136 KAQ TAKI
Jehova Diosyá bendecisunki
(Rut 2:12)
-
1. Diospaqqa manam qunqasqachu kachkan
imapas ruwasqaykiqa.
Sunqullanpim kachkan imakunapas
payrayku saqisqaykiqa.
Chaymá kunanqa chaykunamantapas
astawanraq chaskillanki.
Hamuq punchawpipas wiñay kawsaytam
chayrayku chaskiykullanki.
(CORO)
Jehova Diosmi bendecillasunki
tukuy ima ruwasqaykimanta.
Jehova Diosmá harkaykusunki.
Paymá kuyaqninchik taytallanchikqa.
-
2. Wakinpim ima sasachakuywanpas
hukmanyasqallaña kachwan.
Ñakariykunapi tarikuspaqa
llakisqallamá kallachwan.
Ichaqa ama qunqallasunchikchu
Jehova Diosta mañakuyta.
Paymá palabranwan, atiynillanwan
allinta yanapawasun.
(CORO)
Jehova Diosmi bendecillasunki
tukuy ima ruwasqaykimanta.
Jehova Diosmá harkaykusunki.
Paymá kuyaqninchik taytallanchikqa.
(Qawariytaq Juec. 11:38-40; Is. 41:10).
