CAMBIANANPAQ

Hurqunapaq:

  1. 1. Llakisqamá, sapallaymá kallachkani.

    Pantarullanimá Jehova Dioslláy.

    Yanapaykullaway kallpaykiwan taytalláy.

    Munallachkanimá kutimuyta.

    (CORO)

    Yachachillawasqaykitam yuyarillani,

    palabraykita qawarillaspay.

    Karunchakuruptiypas munallachkankim

    kutimunayta.

  2. 2. Musyakullanimá taytáy

    haykaqpas, kunanpas

    iñiqmasiykuna kasqanta.

    Kutimunaypaqyá Dios taytalláy yanapaway.

    Qanman kutiytaqa munanimá.

    (YAPAN)

    Musyakunimá, qawallanimá, puchukay punchawqa

    chayamuchkanñamá.

    (CORO)

    Uyariykullawayá mañakusqayta.

    Llakiypiyá yanapaykullaway.

    Sunqullayqa pantaqmi, hukmanyanmá.

    Yanapaykuway.

    (YAPAN)

    Dioslláy riqsillawankimá,

    kallpanchawankimá taytáy.

    Sunquyta qawaspaykim qamqa yanapawanki. Kutimullasaqmá taytáy.

    (CORO)

    Kunanmi hatarillaspay huñunakuq risaq.

    Kuyakuytamá tarisaq.

    Karunchakusqaymantam, Jehova Diosnilláy,

    kutimullasaq, kutimusaqmá.