Yachachikuypa kasqanman rinapaq

Yachachikuyman rinapaq

‘Yupaychasqaykichik Tayta Diosqa chuyam’

‘Yupaychasqaykichik Tayta Diosqa chuyam’

 Diosman asuykuychik

‘Yupaychasqaykichik Tayta Diosqa chuyam’

Levitico 19 capitulomanta

“CHUYAM, chuyam, chuyam tukuy atipayniyoq [Jehová] Diosqa” (Apocalipsis 4:8). Chaynata nispanmi Bibliaqa qawachin Diospa chuya kaynin mana igualay atina kasqanta, otaq chuyay-chuyay limpio kasqanta. Chaymantapas huchamantam karunchasqa kachkan, chaymi Payqa mana huchayoq. Hinaptinqa, ¿atichwanchu huchayoq kachkaspanchikpas Diospa amistadnin kayta? Bibliapa nisqanman hinaqa atichwanmi. Qawasunchikyá Levitico libropa 19 capitulonta.

Jehová Diosmi Moisesta nirqa israelitakunaman kaynata ninanpaq: “Chuyayá kaychik yupaychasqaykichik [Jehová] Diospas chuya kasqayrayku”, nispa (2 versiculo). Hinaptinqa, sapakama israelitakunam chuya kananku karqa. “Chuyayá kaychik” nispanqa Jehová Diosqa kamachikuytam qochkarqa. Chaywanqa, ¿mana ruray atinatachu kamachichkarqa?

Jehová Diosqa manam kikin hina chuyay-chuyay kanankupaqchu israelitakunataqa nichkarqa, aswanqa imanasqa chuya kanankumantam. Manamá pipas Jehová Dios hina chuyay-chuyay kaytaqa atinmanchu. Bibliaqa Jehová Diosllamantam chaynataqa riman (Proverbios 30:3). Chayna kaspapas payqa munanmi serviqninkuna pantaq kachkaspankupas chuya kawsanankuta. ¿Imaynatam chayna kayta atinmanku?

Huktawan rimasun israelitakunamanta. Jehová Diosqa manam chuya kanallankupaqchu nirqa, qorqataqmi kamachikuykunatapas imayna kawsanankupaq. Wakin kamachikuykunam kaykuna: Tayta-mamakunatawan yuyaq runakunatam respetananku karqa (332 versiculokuna); respetanankutaqmi karqa mana uyariqkunatawan ñawsakunatapas (9, 1014 versiculokuna); manataqmi suwakunankuchu, llullakunankuchu nitaq sayapakunankuchu karqa (11-1315, 35, 36 versiculokuna), chaymantapas runamasinkutam kikinkuta hina kuyananku karqa (18 versiculo). Hinaptinqa kay kamachikuykunata hinaspa hukkunatapas kasukuspankuqa ‘Diospaqmi sapaqchasqa [otaq chuya] kanmanku’ karqa (Numeros 15:40).

Chuya kanapaq Jehová Diospa kamachisqanqa yanapawanchikmi imayna piensasqantawan rurasqanta entiendenapaq. Puntataqa agradananchikpaqmi yachachiwanchik kamachikuyninkunata kasukunapaq, yachachiwanchiktaqmi kawsakuyninchikpi chuya kanapaq kallpanchakunanchikpaqpas (1 Pedro 1:15, 16). Chaynatam allinta kawsakusunchik (Isaias 48:17).

Kay kamachikuyqa qawachintaqmi serviqninkunapi Jehová Dios confiasqanta. Payqa manamá mañawanchikchu mana atisqanchiktaqa (Salmo 103:13, 14). Payman rikchakuqta unanchawasqanchikraykum, Jehová Diosqa yachan munasqanman hina chuya kay atisqanchikta (Genesis 1:26). ¿Manachu kaymanta yachasqanchikqa kallpanchawanchik chuyay-chuyay Jehová Diosman asuykunapaq?

[29 kaq paginapi dibujo]

Atichwanmi Diospa munasqanman hina chuya kaytaqa