¿Mayqin textokunataq gustasunki? Gustasunkichá sunquykita tiyaykachiq chaynataq kallpanchasuqniki textokuna, allin kaqkunapi piensanaykipaq yanapasuqniki textokuna. Gustasunkitaqchá hukkunaman leepuyta munasqayki textokunapas (Sal. 119:​11, 111). Chaywanpas wakinpiqa ima nisqantam mana allintachu yuyanchik, manataqmi yuyanchikchu ima libropi, mayqin capitulopi, ima versiculopi kasqantapas. Qatiqninpim yachasun yuyananchikpaq imakunata ruwanamanta.

• Celularpi utaq tabletpi bibliata leespa. JW Library^® niqpi celularnikipi utaq tabletnikipi bibliata leespaykiqa yuyay munasqayki textota etiqueta niqpi guarday. Chaypim qillqaspa guardawaq “gustawaqniy textokuna” nispa.

• Yuyanaykipaq textota sutillata imapipas churay. Wakinqa yuyay munasqanku textotam papelpi qillqaruspa punkunkupi utaq espejonkupi sutillata laqanku. Wakinñataqmi textota fotoruspanku celularninkupa utaq tabletninkupa pantallanpi churanku.

• Yuyanaykipaq textota papelpi qillqay. Huklawninpi qillqay ima libropi, mayqin capitulopi, ima versiculopi gustasusqayki textota, qipanpiñataq qillqay chay textopi ima nisqanta. Ñawpaqninta qawaspayki piensay ima nisqanpi, qipanta qawaspaykiñataq piensay mayqin libropi kasqanta.