ESTADOS UNIDOS hinaspa Canada betel wasikunapim, 2018 watapa miercoles 24 enero punchawninpi willakurqaku Kenneth Cook iñiqmasinchik Jehova Diospa llaqtanpi punta apaqkunaman yapakusqanmanta.

Kenneth Cook iñiqmasinchikqa Pensilvania llaqtapim wiñarqa (Estados Unidos). Colegionta manaraq tukuchkaspanmi Diosmanta yachayta qallaykurqa estudiaqmasin yachachisqanrayku. Bautizakurqam 1980 watapa junio killapa 7 kaq punchawninpi. 1982 watapa septiembre killapa 1 kaq punchawninpiñataqmi precursor kayta qallaykurqa. Iskay wata qipatañataqmi nirqaku betel wasipi yanapakunanpaq. 1984 watapa octubre killapa 12 kaq punchawninpi Wallkill (Nueva York) betel wasipi yanapakuyta qallaykurqa.

Kenneth Cook iñiqmasinchikqa 25 watakunam betel wasipi yanapakurqa qillqanchikkunata ruwaypi, yanapakurqataqmi huk ruwaykunapipas. 1996 watapim Jamie iñiqmasinchikwan casarakurqa, hinaspam iskayninku betel wasipi yanapakurqaku. 2009 watapa diciembre killanpim nirqaku Patterson betel wasiman rispanku chaypi yanapakunankupaq. 2016 watapa abril killapiñataqmi Wallkill betel wasipi kachkaptinku, nirqaku Brooklyn betel wasiman rispanku chaypi yanapakunankupaq. Pichqa killa pasaruptinñataqmi Warwick betel wasipi yanapakunankupaq nirqaku. 2017 watapa enero killanpiñataqmi nirqaku yachachikuykuna qillqaqkunamanta cuentallikuqkunapa yanapaqnin kananpaq.