Yachachikuypa kasqanman rinapaq

Yachachikuyman rinapaq

Qanmi tantiakunayki imata ruwanaykipaq

Qanmi tantiakunayki imata ruwanaykipaq

Imayna kawsakunapaq tantiakusqanchikman hinam kusisqa kasun utaq manapas. Jehova Diosqa munan kusisqa kawsakunanchiktam, chaymi munan kamachikuyninkunata kasukuspa allin kawsakunanchikta.

Jehova Diosqa munan hawka hinaspa kusisqa kawsakunanchiktam.

Bibliapim nin: “Ñuqam Jehova Diosnikiqa kani, allinnikipaq yachachiqnikim kani. Maynin purinaykita riqsichiqnikim kani. Kamachikuyniykunaman hina kawsaptikiqa hawkayaynikich mayu hinaraq kanman, allin ruwaynikich lamar quchapa olankuna hinaraq kanman”, nispa (Isaias 48:​17, 18).

Diosqa unanchawasqanchikraykum yachan imaynata kawsakuspa kusisqa kananchikmanta. Ima allinninchikpaq kasqanta yachasqanraykum payqa munan nisqanta kasukunanchikta. Allinmá kasun kamachikuyninkunata kasukuspaqa. Kamachikuyninman hina tantiaspaqa allintam imapaqpas tantiakusun, hinaspaqa hawka hinaspa kusisqam kawsakusun.

Jehova Diosqa ruway atisqallanchiktam kamachiwanchik.

Bibliapim nin: “Kunan willasqay kamachikuykunaqa manam llumpay sasachu nitaq mana ruway atinaykichikpaq hinachu”, nispa (Deuteronomio 30:11).

Diospa kamachisqanman hina kawsakunapaqqa cambiananchikmi kanqa imayna piensasqanchikta hinaspa ruwasqanchikta. Jehova Diosqa manamá mana ruway atisqanchiktaqa mañawanchikchu. Payqa unanchawasqanchikraykum riqsiwanchik hinaspa yachan imakuna ruway atisqanchikta hinaspa imakuna mana ruway atisqanchikta. Riqsisqanchikman hinam cuentata qukunchik ‘kamachikuyninkunaqa mana sasa kasukuy’ kasqanta (1 Juan 5:3).

Jehova Diosqa ninmi kamachikuyninkunaman hina kawsakuqkunataqa yanapananmanta.

Bibliapim nin: “Ñuqa Jehova Diosnikim alliq makikimanta hapichkayki, ñuqam niki: ‘Amayá manchakuychu. Ñuqam yanapasqayki’, nispa” (Isaias 41:13).

Diospa yanapakuyninwanqa atisunmi paypa nisqanman hina kawsakuyta. Payqa palabranwanmi yanapawanchik hinaspa kallpanchawanchik.

Millonnintin runakunam cuentata qukurunku bibliapa nisqanta kasukuspankuqa aswan allin kawsakusqankuta. ¿Qampas munawaqchu bibliapi tarikuq consejokunamanta yachaykuyta? Chaypaqmi leeyta qallariwaq Kusisqa kawsakunapaq folletota. Gratisllam kachkan jw.org nisqanpi. Kay kimsa yachachikuykunam chay folletopi kachkan:

  • “Bibliaqa allinta kawsakunapaqmi yachachiwanchik”

  • “Bibliapim nin allinña kawsakunanchikmanta”

  • “¿Bibliaqa imam kaqtachu willakun?”

Diospa palabranmanta masta yachaspanchikqa cuentatam qukusun chaypi consejokuna allinninchikpaq kasqanta hinaspa ‘imapas nisqankunaqa mana iskayrayanapaq’ kasqanta ‘kunanmanta wiña-wiñaykama’ (Salmos 111:8). Bibliapi nisqanman hina kawsakuspallam kusisqaqa kasun. Chaywanpas Jehova Diosqa manamá pitapas obligawanchikchu (Deuteronomio 30:​19, 20; Josuey 24:15). Chaytaqa sapakamam tantiakunanchik.