Yachachikuypa kasqanman rinapaq

Qatiqninpi kaqman yaykunapaq

Yachachikuyman rinapaq

Jehova Diospa testigonkuna

Quechua (Ayacucho)

Willakuq  |  2017−5 kaq

 QARANPI KAQ YACHACHIKUY | ANGELKUNAQA ¿YANAPAWANCHIKMANCHU?

¿Yanapawachwanchu angelkuna?

¿Yanapawachwanchu angelkuna?

Curazao sutiyuq llaqtapi yachaq Keneth hinaspa Filomena casarasqa testigokunam watukurqaku bibliamanta yachachisqanku casarasqa warmi-qariman.

Kenethmi nin: “Chayaruptiykuqa wasinkum wichqarayachkasqa, manataqmi carronkupas kasqachu. Ichaqa warmintam celularwan qayaykurqani”, nispa.

Keneth qayaruptinmi chay warmiqa willarqa qusan llamkaq pasasqanmanta. Ichaqa Kenethwan Filomena wasinpa punkunpi kasqankuta yacharuspanmi chay warmiqa wasinman yaykuykachirqa.

Hinaptinmi paykunaqa chaylla musyarurqaku wasiyuqqa waqay-waqay ñawiyuq kasqanmanta. Biblia estudiayta qallarinankupaq Keneth Diosta mañakuyta qallaykuptinmi wasiyuqqa waqayta qallaykurqa. Chaymi testigokunaqa kuyakuyllawan tapurqaku imanasqa waqasqanmanta.

Hinaptinmi warmiñataq nirqa chay tardella wañuchikuyta piensasqanrayku qusanpaq huk cartata qillqachkaptin paykuna qayaykamusqanmanta. Willakurqataqmi llumpay llakisqa kasqanmanta, hinaptinmi paykunaqa bibliapi kallpanchaq yachachikuykunata ñawinchapurqaku. Chaynapim wasiyuqqa manaña wañuchikurqañachu.

Kenethmi nin: “Jehova * Diostam anchata agradecekuniku llumpay llakiyuq warmita yanapaykusqaykumanta. Ichapas yanapawarqaku angelninwan utaq chuya espiritunwan chay warmita celularwan qayaykunaykupaq”, nispa.

¿Chiqaptachu Jehova Diosqa Kenethtawan Filomenata yanapaykurqa angelninwan utaq chuya espiritunwan? ¿Icha qunqaymantachu Kenethqa celularwan qayaykurqa?

Chaymanta mana allintapuni yachaspapas, yachanchikmi Jehova Diosqa runakunata iñiyninkupi yanapananpaq angelninkunata valekusqanmanta. Bibliam niwanchik, Diosmanta yachay munaq Etiopia nacionniyuq runaman Felipe rinanpaq Diosqa angelninta valekusqanmanta (Hechos 8:26-31).

Achka religionkunam yachachinku angelkuna kasqanmanta, ninkum wakin angelkunaqa Diospa munayninta ruwasqankuta. Achka runakunam willakunku angelkunaqa kawsakuyninkupi anchata yanapasqanmanta. Wakin runakunam ichaqa angelkunapiqa mana creenkuchu.

¿Kanmanchu angelkuna? Kaspanqa, ¿imaynatam rikurirqaku? ¿Imatam biblia nin angelkunamanta? ¿Yanapawanchikmanchu? Chaykunamantayá qawasunchik.

^ par. 8 Bibliam nin Diospa sutinqa Jehova kasqanta (Romanos 10:13).