Tukuy imawanmi runakunaqa sasachakunchik. Ichaqa kaypim rimasunchik qallariyninpi rimamusqanchik runakuna imaynata sasachakuyninkuta Diospa yanapakuyninwan atipasqankumanta.

MANA LLAMKAYNIYUQ RIKURIRUSPA

Jonatanmi nin: “Ima llamkaypipas llamkaytam yacharurqani, hinaspapas yanqakunapiqa manañam qullqichaykutaqa usuchirqanikuñachu”, nispa.

Mariom * nin: “Warmiypas ñuqapas mana llamkayniyuqmi rikurirurqaniku. Chayraykum iskay watapuni aylluyku yanapawarqaku, chaywanpas ñuqaqa ima llamkaychapipas llamkapakurqanim. Tukuy chaykunaraykum warmichay hukmanyarurqa, ñuqapas mana imapaq valeq kasqaytam piensarqani.

¿Imataq yanapawarqaku? Warmichaymi sapa kuti yuyariq Mateo 6:34 nisqanpi Jesuspa nisqanta, chaypim nin: ‘Amayá llakikuychikchu qatiqnin punchawmantaqa, qatiqnin punchawpas kanqam imamantapas llakikuyqa’, nispa. Chaymantapas Diosta mañakusqanmi yanaparqa hinalla kallpanchakunanpaq. Ñuqatañataqmi Salmo 55:22 nisqan yanapawarqa. Salmos qillqaq hinam ñuqapas Jehova Diosman sasachakuyniyta saqiykurqani. Kunanqa llamkayniyuqñam kani, ichaqa Mateo 6:20-22 nisqanpi Jesuspa nisqanman hinam mana ancha tukuy imayuq kawsakuniku. Chayna kawsakusqaykum yanapawanku aswan allin kanaykupaq hinaspa astawan Diosman asuykunaykupaqpas”, nispa.

Jonatanpas ninmi: “20 watapunim negociochayku wiñananpaq anchata llamkarqaniku, ichaqa nacionniykupi sasachakuy karuptinmi chinkarurqa, hinaptinmi hukmanyasqa qiparurqani. Chaymi warmiywanpas sapa kuti qullqimanta piñanakurqaniku. Bancopa quwasqanku tarjetaykupi qullqiyku manaña kasqanta piensaspaykum manaña chay tarjetaykuta servichikurqanikuñachu.

Ichaqa Diospa palabran hinaspa espiritunmi yanapawarqaku allinta tanteanaykupaq. Ima llamkaypipas llamkaytam yacharurqani, hinaspapas yanqakunapiqa manañam qullqichaykutaqa usuchirqanikuñachu. Jehova Diospa testigonmi kaniku, chaymi  iñiqmasiykupas kallpanchaykuwaspanku imapas pisipuwaqniykuta quykuwarqaku”, nispa.

WARMI-QARI RAKINAKURUPTIN

Raquelmi nin: “Qunqayllamanta qusay saqiruwaptinmi llumpay llakisqa hinaspa piñasqa karqani. Ichaqa Diosmanmi asuykurqani, hinaptinmi pay yanapaykuwarqa. Sapa punchawmi mañakuq kani chaymi sunquypi hawka tarikurqani.

Ichaqa Diospa palabran yanapawaptinmi manaña piñasqañachu karqani. Romanos 12:21 nisqanpi apostol Pablopa nisqanmi allinta yanapawarqa, chaypim nin: ‘Amayá mana allinwanqa vencechikuychu, aswanqa hinallayá mana allinta vencey allin kaqta imapipas ruwaspa’, nispa.

Raquelmi nin: “Casado vidayqa tukurunñam. [...] Kunanqa ñawpaqpi mana ruway atisqaykunatam ruwayta munachkani”, nispa.

Amistadniymi yanapawarqa qusaypa saqiwasqanpi manaña piensarayanaypaq. Eclesiastes 3:6 nisqanta leepuwaspanmi niwarqa casado viday tukurusqanta. Chayna kasqanta piensay sasa kaptinpas allintam yanapawarqa. Kunanqa ñawpaqpi mana ruway atisqaykunatam ruwayta munachkani”, nispa.

Elizabethpas ninmi: “Warmi-qari rakinakuruspaykiqa yanapakuytam maskanayki. Kuyasqay amigachaymi sapa punchaw yanapawarqa. Ñuqawan kuskam waqarqa hinaspam kuyawasqanta qawachiwarqa. Manam iskayrayanichu Jehova Dios paywan yanapawasqanmantaqa”, nispa.

YUYAQYARUSPAYKI UTAQ UNQURUSPAYKI

Luismi nin: “Jehova Diostam sapa kuti mañakuni, mañakuruptiyqa espiritunwanmi kallpanchawan”, nispa.

Qallariyllanpi rimamusqanchik Luismi llumpayta unqusqanrayku oxígeno nisqallawan kawsan, paymi nin: “Jehova Diostam sapa kuti mañakuni, mañakuruptiyqa espiritunwanmi kallpanchawan. Hinaspapas kallpanchasqam kani unquyniyta atipanaypaq, manataqmi iskayrayanichu ñuqamanta nanachikusqantaqa”, nispa.

Pusaq chunka watanpiña kaq Juanam nin: “Tukuy imatam ruwayta munani, ichaqa manam atiniñachu. Kallpay tukusqanta musyakusqaymi llakichiwan. Pisipasqallam tarikuni, hampillawanmi allinchaqa kani. Yuyarinim ‘atikuptinqa kay vasotayá ñuqamanta asuriykachiy’, nispa Jehova Diosta Jesus mañakusqanta, Jesusta hinam ñuqatapas Diosqa kallpanchawan. Diosta mañakuruspayqa allinñam tarikuni”, nispa (Mateo 26:39).

 Yaqa kimsa chunka wataña esclerosis múltiple nisqa unquywan ñakariq Julianpas ninmi: “Kunanqa manañam llamkasqayraykuñachu sillapiqa tiyani aswanqa unqusqayraykuñam, ichaqa runamasinchiktam astawan yanapachkani Jehova Diosta riqsinankupaq. Hukkunata yanapaspayqa kusisqaraqmi tarikuni. Jehova Diosqa sasachakuyninchikpiqa yanapawanchikmi. Apostol Pablo hinam ñuqapas niyman: ‘Dios kallpata quwaptinmi tukuy imata ruwanaypaq kallpayuq kani’”, nispa (Filipenses 4:13).

KUYASQA AYLLUYKI WAÑUKUPTIN

Antoniom nin: “Taytayta carro saruruptinmi muspayniypi hina rikurirurqani. Hawka purikuq runatam sarururqa. Manam ima ruwaytapas atirqanichu. Pichqa punchawraqmi kawsarqa, ichaqa wañusqa hinañam karqa. Mamaypa qayllanpiqa manam waqaqchu kani, sapallaypim ichaqa hikchuy-hikchuyta waqaq kani. Tapukurqanim: ‘¿Imanasqataq taytaytaraq sarururqa?’, nispay.

Chay punchawkunam Jehova Diosta mañakurqani yanapawaspa hawkayayta quwananpaq. Alli-allimantam hawkayarurqani. Yuyarirqanim, ‘runaqa mana allin horapi wañunanmantaqa manam yachanchu’ nispa bibliapa nisqanta. Bibliaqa nintaqmi Diosqa mana llullakusqanta, chaymi mana iskayrayanichu kaqllamanta taytaywan kawsarimuptin tupaykunaymanta”, nispa (Eclesiastes 9:12; Juan 11:25; Tito 1:2).

Robermi nin: “Avion wichiykuptin churiyku wañukuptinpas, kawsakuchkaptinraq imatapas kuska kusisqa ruwasqallaykutam yuyariniku”, nispa.

Qallariypi rimamusqanchik Roberpas chaynallatam nin: “Warmichaywan kuska Diosta mañakuptiykum Filipenses 4:6, 7 nisqanman hina sunquykupi hawka tarikurqaniku. Chayna hawkalla tarikusqaykum yanapawarqaku televisionpi noticia willakuqkunaman wañuqkuna kawsarimunanmanta willakunaykupaq. Avion wichiykuptin churiyku wañukuptinpas, kawsakuchkaptinraq imatapas kuska kusisqa ruwasqallaykutam yuyariniku.

Wakin testigo iñiqmasiykum niwarqaku wañuqkuna kawsarimunankumanta televisionpi hawkalla willakusqaykuta, chaymi nirqaniku: ‘Llapallaykichik ñuqaykupaq mañakusqaykichikraykum chayna hawkallaqa rimarqaniku’, nispayku. Diosmá yanapawarqaku llapallan iñiqmasiykuwan”, nispa.

Kaykuna yachamusqanchikmi qawachiwanchik ima sasachakuypi kaptinchikpas Diosqa yanapawananchikmanta. Qamtapas yanapasunkimanmi ima sasachakuypiña tarikuptikipas *. Chaypaqqa Jehova Diostam maskanayki, payqariki ‘tukuy imapi sunqunchik tiyaykachiq Diosmi’ (2 Corintios 1:3).

^ par. 5 Wakin sutikunaqa cambiasqam kachkan.

^ par. 23 Yanapasunaykipaq Diosman asuykuyta munaspaykiqa, llaqtaykipi Jehova Diospa testigonkunawan rimay utaq qillqay nacionnikipi oficinanman.