¿Religionkunaqa runapa rikurichisqanchu?

WAKIN RUNAKUNAM NINKU religionqa runakunapa rikurichisqan kasqanta. Wakinñataqmi ninku religiontaqa Dios rikurichisqanta, chaynapi payman asuykunankupaq. Qamqa, ¿ima niwaqtaq?

¿IMATAM BIBLIA NIN?

“Dios taytapa munasqanman hina mana qanrachasqa chuya yupaychayqa [utaq religionqa]” kanmi (Santiago 1:27). Kaymi qawachin chiqap religiontaqa kikin Dios rikurichisqanta.

¿IMATAWANMI BIBLIAQA NIN?

  • Chiqap religionqa bibliapa yachachisqanman hinam Diosta yupaychan (Juan 4:23, 24).

  • Runakunapa costumbrenman hina Diosta yupaychaq religionkunataqa manam Diosqa chaskinchu (Marcos 7:7, 8).

Diospa chaskisqan kanapaqqa ¿religionniyuqraqchu kana?

¿IMA NIWAQTAQ?

  • Arí

  • Manam

  • Ichapas

¿IMATAM BIBLIA NIN?

“Sunqumanta kuyanakuspayá llapallanchik kallpanchanakusun kuyakuq hinaspa allin ruwaq kananchikpaq, wakinkunapa costumbrasqanman hinaqa amayá huñunakuyman riytaqa saqisunchu” (Hebreos 10:24, 25). Diosqa munanmi yupaychaqninkuna huk runa hinalla yupaychanankuta.

¿IMATAWANMI BIBLIAQA NIN?