2012 watapi septiembre killapa 5 kaq punchawnin miercoles achikyaqtam, Estados Unidos hinaspa Canadá Betel wasipi kaqkunaman willarqaku Jehova Diospa Llaqtanpi Punta Apaqkunaman huk yapakusqanmanta. 2012 watapa septiembre killa qallariynin punchawmantam Mark Sanderson sutiyoq iñiqmasinchik Diospa Llaqtanpi Punta Apaqkunamanta huk kaqnin kayta qallaykurqa.

Payqa San Diego, California (Estados Unidos) lawpim wiñarqa cristiano tayta-mamanwan, bautizakurqañataqmi 1975 watapa 9 punchaw febrero killanpi. 1983 watapa septiembre killanpa qallariynin punchawtam Saskatchewan (Canadá) lawpi precursor kayta qallarirqa. 1990 watapa diciembre killanpim Estados Unidos nacionpi Solterokunapaq Bibliamanta qanchis kaq Escuelaman rirqa. 1991 watapa abril killanpiñataqmi Newfoundland (Canadá) law islapi precursor especial kananpaq kamachirqaku. Congregacionkuna watukuq ancianopa rantinpi servisqanmantam 1997 watapa febrero killanpi Canadá Betelpi servinanpaq invitarqaku. 2000 watapa noviembre killanpiñataqmi Estados Unidos Betelman cambiarurqaku, chaypim Hospitalkunapi hampichikuqkunata yanapaq oficinapi llamkarqa, chaymantañataqmi llamkarqa Predicacionmanta Encargakuq Oficinapi.

2008 watapa septiembre killanpim iñiqmasinchik Sandersonqa Betel Wasimanta Encargakuqkunapaq Escuelaman rirqa, chaymantañataqmi Filipinas Betel Wasimanta Encargakuqkunamanta huk kaqnin kananpaq kamachisqa karqa. 2010 watapa septiembre killanpiñataqmi Estados Unidos nacionman kutinanpaq kamachirqaku, chaypim Allpantinpi Predicacionmanta Encargakuqkunapa yanapaqnin karqa.