Yachachikuypa kasqanman rinapaq

Yachachikuyman rinapaq

¿Tiempota rakirunkiñachu Bibliata estudianaykipaq?

¿Tiempota rakirunkiñachu Bibliata estudianaykipaq?

 ¿Tiempota rakirunkiñachu Bibliata estudianaykipaq?

QAYNA watam, Jehová Diospa Llaqtanpi Punta Apaqkuna niwarqanchik lliw huñunakuyninchikta semanapi iskay kutillata huñunakuspa rurananchikpaq, chaymi aswan tiempota qowanchik Bibliata familiawan estudianapaq. Qosa kaspaykiqa ama qonqaychu: señoraykipiwan churikikunawan yanapasuqnikichik yachachikuykunata sapa semana estudiayta. Mana churiyoq kaspaykiqa chay tiempotam servichikunayki señoraykiwan estudianaykipaq. Soltero kaspaykiqa sapallaykipas estudianaykim.

Achka iñiqmasinchikkunam agradecekunku familiawan Diosta yupaychanankupaq huk tuta tiemponku kasqanmanta. Kevin * sutiyoq ancianom qellqarqa: “Congregacionpi kaqkunaqa manam imayna agradecekuytapas atinikuchu. Ancianokunam wakinpiqa rimaniku imaynata chay tutata familiaykuwan estudianaykupaq servichikusqaykumanta, chaynapi Jehová Diospa Llaqtanpi Punta Apaqkunapa kamachisqankuta kasukunaykupaq”, nispa.

Huk ancianopa señoran Jennym qellqarqa: “Kimsam warmayku: 15, 11 hinaspa 2 watayoq. Qaynallam señasllawan rimaq congregacionman cambiakurqaniku, chaymi achka tiempota necesitaniku lliw huñunakuypaq preparakunaykupaq. Kunanqa huk tutapiwanmi tiempoyku kan aylluykuwan Diosta yupaychanaykupaq”, nispa.

John hinaspa Juana señoranmi precursor regular kanku, paykunam qellqarqaku: “Puntataqa sasachakurqanikum Bibliata sapa semana estudianaykupaq, congregacionpi achka llamkay kasqanraykum sasata tiempota tariq kaniku. Kay cambioqa kallpawan servinaykupaq Jehová Diospa regalonmi, ichaqa: allintam kay tiempota servichikunayku”, nispa.

Tonym yaqa 25 watayoq, payqa solterom, payqa martes tutapim sapallan estudian hinaspa huk punchawkuna huñunakuypaq preparakun. Paymi nin: “Suyachkaniñam martes chayamunanta. Diosniypaqmi chay tutata rakiruni. Yaqa 2 horatam Dioswan amistadniyta kallpanchaq yachachikuykunata estudiani, chaynataq astawan yuyaymanani Bibliapi leesqay textokunapi”, nispa. ¿Ima bendicionkunatam Tonyqa chaskirqa chayna rurasqanmanta? Paymi nin: “Kunanqa estudiasqaymi sonqoyman astawan chayachkan. Ejemplopaq, Perspicacia libropim leerqani Davidwan Jonatan amistad kasqankumanta hinaspam yacharuni Jonatan kikinmantapas aswan kuyasqanta. Chaynatam yacharqani cheqap amistad imayna kananmanta. Martes tuta chayamunantam suyani, paka hina yachaykunata astawan tarinaypaq”, nispa.

Manam iskayrayachwanchu: Dios serviqkunaqa llapallanchikmi yanapachikusun kay tiempopi allinta estudiaspa hinaspa familiawan Diosta yupaychaspa.

[Willakuy]

^ par. 3 Wakinpa sutinqa manam cheqap sutinchu.