Yachachikuypa kasqanman rinapaq

Yachachikuyman rinapaq

 QARANPI KAQ YACHACHIKUY | ALLIN RUWAYKUNAQA HINALLAM YANAPAWASUN

Allin ruwaykunaqa hinallam yanapawasun​—Controlakuq kaymanta

Allin ruwaykunaqa hinallam yanapawasun​—Controlakuq kaymanta

BIBLIAPA YACHACHISQAN. ‘Sonso runaqa chayllam piñakun. Yachayniyuq runaqa piñakuynintam [controlakun]’ (Proverbios 29:11).

“Sunquymantam niyman Biblia allintapuni yanaparuwasqanmanta”

¿IMAPIM YANAPAWANCHIK? Controlakuy imakunapi allinninchikpaq kasqanmanta rimaspaqa, manachá rimaytapas tukuchwanchu. Puntataqa yanapawanchik mana unqunapaqmi. Bibliapa nisqanman hinaqa ‘llampu sunquqa cuerpontam kawsachin’, hinaspapas ‘kusisqalla sunquyuq runaqa sanoy-sanoymi kanqa’ (Proverbios 14:30, CQ12; 17:22). Ichaqa, estudioyuq runakunapa nisqanman hinaqa chaylla piñakuqkunaqa achka unquywansi hapichikunku, astawanraqsi sunqumanta unquykunawan. Ichaqa manam chaykunallamantachu hawka kanku.

35 watanpi kaq Cassius sutiyuq runam nin: “Ñawpaqtaqa chaylla piñakuq kaspaymi pitapas maqarunaypaq maskaq kani, chaymantapas mana kaqpaqmi hapikurqani. Biblia estudiasqaymantapacham ichaqa controlakuyta, llampu sunqu kayta hinaspa pampachakuq kayta qallaykurqani. Mana chayqa yaqapaschá presochasqaña kachkayman karqa. Sunquymantam niyman Biblia allintapuni yanaparuwasqanmanta”, nispa.

Cassiusqa controlakuq hinaspa pampachakuq kaytam yacharurqa