Yachachikuypa kasqanman rinapaq

Yachachikuyman rinapaq

 4 KAQ PARTE

¿Imataq pasarqa Satanasta uyariptinku?

¿Imataq pasarqa Satanasta uyariptinku?

Diosta mana kasukusqankuraykum Adanwan Evaqa wañurqaku. Genesis 3:6, 23

Culebrata kasukuspanmi Evaqa mana mikunan ruruta mikururqa. Chaymantam Adanman qoykurqa, hinaptinmi paypas mikururqa.

Chayna rurasqankuwanmi huchallikurqaku. Chaymi Diosqa Adantawan Evata huertamanta qarqorurqa.

Sasa vidam qallaykurqa paykunapaqwan wawa-churinkupaqpas. Tiempo pasaptinmi yuyaqyaspa wañurqaku. Manam cielomanchu nitaq huk sitiomanchu rirqaku, manam karqakuñachu.

 Wañuqkunaqa allpayankum, manam imatapas rurankuñachu. Genesis 3:19

Paykunapa miraynin kaspam wañunchik. Wañuqqa manam uyarinchu, qawanchu nitaq imatapas ruranñachu (Eclesiastes 9:5, 10).

Jehová Diosqa manam munarqachu runakuna wañunantaqa. Chayllañam kawsarichinqa wañusqakunata. Kasukuspankuqa manam haykapipas wañunqakuchu. Wiñaypaqmi kawsakunqaku.