Yachachikuypa kasqanman rinapaq

Yachachikuyman rinapaq

10. ¿Imatam bibliaqa yachachin angelkunamanta hinaspa demoniokunamanta?

10. ¿Imatam bibliaqa yachachin angelkunamanta hinaspa demoniokunamanta?

1 ANQELKUNAPAS DIOSPA CHURINKUNAM KANKU

‘Angelkuna, Jehova Diostayá alabaychik. Kallpasapakuna, payllatayá alabaychik’ (Salmo 103:20).

¿Imatam bibliaqa yachachin angelkunamanta?

  • Job 38:4-7

    Manaraq kay allpa pachata unanchachkaspanmi Diosqa angelkunata unancharqa.

  • Apocalipsis 5:11

    Angelkunaqa wara-waranqantinmi kanku.

  • 1 Pedro 1:11, 12

    Angelkunaqa runakunapaq hinaspa kay allpa pachapaq Dios imakuna ruwananmanta yachaytam munanku.

  • Lucas 15:10

    Angelkunaqa kuyankum Diospa yupaychaqninkunataqa.

2 ANGELKUNAQA DIOSPA YUPAYCHAQNINKUNATAM YANAPANKU

“Diospa angelninqa, Diosta manchakuqkunapa muyuriqninpi churakuykuspanmi waqaychan” (Salmo 34:7, Chulla Qellqa 2012).

¿Imaynatam yachanchik angelkunaqa runakunata yanapasqanmanta?

  • Genesis 19:15, 16; Daniel 6:22; Lucas 22:43; Hechos 12:6-11

    Angelkunaqa yanaparqakum Lotta, Danielta, Jesusta hinaspa Pedrota.

  • Hebreos 1:7, 14

    Diosmi angelninkunata kachamun yupaychaqninkunata yanapananpaq hinaspa mana allinkunamanta harkananpaq.

3 DEMONIOKUNAQA RUNAKUNATAM ÑAKARICHIYTA MUNACHKANKU

‘Satanas mana engañawananchikpaqmi, ñuqanchikqa yachanchik paypa tuqllankunamanta’ (2 Corintios 2:11).

¿Pikunataq demoniokunaqa kanku hinaspa imanasqam runakunata ñakarichinku?

  • Apocalipsis 12:9

    Diospa contranpim huk angel rikurirurqa. Chaymi satanaswan sutichasqa karqa.

  • Genesis 6:2

    Noeypa tiemponpim, wakin angelkunapas Diosta mana kasukuspanku kay pachaman hamurqaku.

  • Mateo 9:34

    Kay angelkunapas Diospa contranpi hatariruspankum demoniokunaña karqaku.

  • Deuteronomio 18:10, 11

    Demoniokunaqa tukuytam ruwanku runakunata pantachinankupaq hinaspa ñakarichinankupaqpas.

4 SATANASTAWAN DEMONIOKUNATA QIPANCHASUN

“Diablopa contranpi churakuychik, hinaptinqa qamkunamantam diablo ayqikunqa” (Santiago 4:7).

¿Imakunatam ruwanayki satanasmantawan demoniokunamanta Jehova Dios harkasunaykipaq?

  • Hechos 19:19

    Layqakunata ruwanapaq hinaspa demoniokunamanta imapas rimaqtaqa kañanaykim, kañanaykitaqmi chayman rikchakuq kaqkunatapas allinpaq chaykuna rikchakuptinpas.

  • Efesios 6:16, 18

    Aswan iñiyniyuq kanaykipaq bibliamanta astawan yachay hinaspa Jehova Diosta mañakuy mana allinkunamanta harkasunaykipaq.

  • Proverbios 18:10

    Jehova Diosta sutinmanta mañakuy.