Pitaq kanman:

  • ¿Dioschu?

  • ¿Runakunachu?

  • Icha ¿pitaq?

 ¿IMATAM BIBLIA NIN?

‘Kay Pachapi mana allin kaqkunaqa Diablopa makinpim kachkan.’(1 Juan 5:19.)

“Diospa Churinqa rikurimurqa diablopa rurasqankunamanta libraykuwananchikpaqmi.” (1 Juan 3:8, Chuya Qellqa.)

¿IMAPIM KAY NISQANQA YANAPASUNKIMAN?

Imanasqa sasachakuykuna kasqanmantam yachanki (Apocalipsis 12:12).

Kay Pachapi mana allin kaqkunaqa tukunqapunim (1 Juan 2:17).

 ¿ISKAYRAYANACHU BIBLIAPA NISQANMANTA?

Manam, qawasun imanasqa:

  • Satanaspa gobiernonqa tukunqam. Jehova Diosqa tukuchiytam munachkan Satanaspa munaychakusqantaqa. Chaymantapas prometewanchikmi ‘wañuypi munaychakuq Diablota chinkachinanpaq’ (Hebreos 2:14).

  • Diosmi Jesucristota akllarqa kay Pachata kamachimunanpaq. Jesusqa manam kay Pachata munaychakuq Diablo hinachu. Jesuspa imayna kamachimunanmantam Diosqa nirqa: ‘Payqa llakipayanqam mana kallpayoq, mana imayoq runataqa. Payqa salvaykunqam wakchakunapa vidantaqa’, nispa (Salmo 72:13, 14).

  • Diosqa manam llullakunmanchu. Bibliapim nin ‘Diosqa mana llullakuq’ kasqanmanta (Hebreos 6:18). Jehova Diosqa ruwanpunim prometesqantaqa (Isaias 55:10, 11). ‘Qarqosqam kanqa kay Pachapi kamachikuq Diabloqa’ (Juan 12:31).

 KAYPI YUYAYMANAY

¿Imaynataq kay Pachaqa kanqa kamachiqnin qarqosqa kaptin?

Kay tapukuytam Biblia contestachkan SALMO 37:10, 11 hinaspa APOCALIPSIS 21:3, 4.