Juan 10:33-36

Bibliata ñawincharuspaqa ama chayllaqa huk yachachikuymanqa pawarusunchu. Aswanqa qawachisun bibliamanta ñawinchasqanchik, yachachisqanchikwan imayna tupasqanta.

¿IMAYNATAM RUWACHWAN?

  • Mayqan rimaywan tupasqantam qawachina. Bibliata ñawincharuspaqa qawachinam mayqan rimaykuna yachachisqanchikwan tupasqanta. Ichapas allin kanman chay rimayta kaqmanta rimayninchik. Tapuchwantaqmi yachachisqanchikwan mayqan rimay tupasqantapas.

  • Imanasqa ñawinchapusqanchiktam musyachina. Manaraq ñawinchachkaspaqa imanasqa ñawinchapunamantam ninanchik. Ninanchiktaqmi ñawinchasqanchik yachachisqanchikwan tupasqantapas.

  • Tumpallatam yachachina. Ama tukuy imamantaqa yachachisunchu, aswanqa yachachisqanchikwan tupaqllamanta. Musyakunam uyariwaqninchikkuna imakunataña yachasqankuta, chaynapi chayman hina yachachinapaq.