Argentina

Sierra Leona

Bélgica

Malasia

Diosmanta mana yachachiptinku chaynataq consuelota mana tarisqankuraykum achka runakuna manaña rinkuchu huñunakuyninkuman otaq cultonkuman. Chayna kaptinpas, ¿imanasqataq Jehová Diospa testigonkunapa huñunakuyninkuman riwaq? ¿Imakunapitaq yanapasunkiman?

Kuyakuq hinaspa qokuykuq kaqkunatam tarinki. Ñawpa tiempopi cristianokunaqa congregacionkunapim organizasqa karqaku, paykunaqa huñunakuqkum Diosta yupaychanankupaq, Palabranta estudianankupaq hinaspa kallpanchanakunankupaqpas (Hebreos 10:24, 25). Iñiqmasinkuwan huñunakuspam cheqap amistadpi kawsakurqaku (2 Tesalonicenses 1:3; 3 Juan 14). Ñoqaykupas chaynata huñunakuspaykum paykuna hina kusisqa tarikuniku.

Diospa kamachikuyninkuna allinnikipaq kasqantam yachanki. Ñawpa tiempopi huñunakuqkuna hinam warmachakunapas qarikunapas chaynataq warmikunapas huñunakuniku, Bibliapa yachachisqanman hina imayna kawsanaykupaqmi allin yachachiqkuna entiendechiwanku (Deuteronomio 31:12; Nehemias 8:8). Contestanapaq tapukuykuna kaptinqa rimarichwanmi, takinapaq kaptinpas takichwanmi; chaywanmi suyakuyniyoq kasqanchikta qawachinchik (Hebreos 10:23).

Iñiynikipim allinta kallpanchasunki. Apostol Pablom iñiqmasinkunaman qellqaspan nirqa: ‘Llumpaytam qamkunawan tupaykuyta munachkani hinaspa iñisqanchikwan kallpanchanakunanchikpaq’, nispa (Romanos 1:11, 12). Iñiqmasinchikkunawan huñunakuyninchikqa iñiyninchikpim kallpanchawanchik chaynallataq Diospa yachachisqanman hina kawsakunapaqpas.

¿Munawaqchu huñunakuyniykuman rispa imayna kasqanmanta yachayta? Kusikuywanmi chaskisqaykiku. Manam qollqepaqchu, manataqmi qollqetaqa mañanikuchu.

  • ¿Pikunapa huñunakusqankutam qatipakuniku?

  • ¿Imakunapim yanapawanchik huñunakuyninchikkunaqa?