1870-1880 watakunapi, Biblia estudiaqkuna

1879, punta kaq Willakuq

Kunan kaq Willakuq

Bibliam nirqaña Jesucristopa wañusqan qepata cheqap cristiano ukumanta pantay yachachiqkuna hatarinankumanta (Hechos 20:29, 30). Tiempo pasasqanman hinam chayna pasarqa, Jesuspa yachachisqantam pantay yachachikuykunawan chaqrururqaku hinaptinmi cristiano tukuqkuna rikurirurqa (2 Timoteo 4:3, 4). Chayna kaptinpas, ¿imanasqataq mana iskayrayanikuchu Bibliapa yachachikuyninkunata imayna entiendesqaykumanta?

Diosmi tantearqa imay tiempopi cheqapmanta entiendekunanta. Diosmi nirqa yachachikuyninkuna ‘tukupay tiempopi’ astawan entiendekunanmanta (Daniel 12:4). Cheqap yachachikuyta maskaq pisilla runakunam 1870 kaq watapi cuentata qokururqaku religionkunaqa Bibliapa yachachisqanman hina mana yachachisqankumanta. Chaymi Bibliapa yachachisqankunata estudiarqaku hinaptinmi Jehová Diosqa entiendenankupaq yanaparqa.

Diosman sonqo runakunam Bibliata allinta estudiarqaku. Iñiqmasiykupa imayna estudiasqankum kunankama yanapawanku Bibliapa sapa yachachikuyninmanta allinta estudianaykupaq. Sasa entiendenapaq kaqkunata tarispankuqa hina Bibliallapim maskaqku entiendenankupaq yanapaqnin kaq yachachikuykunata, chaynata ruraspa entiendesqankutañataqmi anotaqku. Chayna estudiasqankuwanmi allinta entienderqaku Diospa Gobiernonmanta, runakunapaqwan Allpa pachapaq imam munasqanta, wañusqakuna imayna kasqankumanta chaynataq kawsarimuymantapas. Chayna rurasqankuwanmi librakurqaku runakunapa pantay yachachisqankumanta (Juan 8:31, 32).

1879 watapaqqa allintam entienderurqaku Diosmanta Allpantinpi willakunapaq kasqanmanta. Chay watapim rurayta qallaykurqaku kunankama lloqsimuqJehova Diospa Gobiernonmanta Willakuq qellqata. Bibliapa cheqap yachachikuyninmantam kunanqa willakuniku 240 masnin nacionkunapi chaynataq yaqa 700 rimaykunapipas. ¡Manam haykapipas chayna willakuyqa karqachu!

  • ¿Imataq pasarqa Bibliapi yachachikuykunawan Jesucristopa wañusqan qepata?

  • ¿Imaynatam yacharurqaniku Bibliapi cheqap yachachikuykunamanta?