¿Yaqachu . . .

  • . . . hina kaqlla kanqa?

  • . . . astawan yanqachakunqa?

  • . . . allinyanqa?

 ¿IMATAM BIBLIA NIN?

“Diosmi pichanqa paykunapa weqenta, manañam kanqachu wañuypas, lutokuypas, waqaypas nitaq nanaypas. Ñawpaq kaqkunaqa pasarunñam.” (Apocalipsis 21:3, 4, Chuya Qellqa.)

¿IMAPIM KAY NISQANQA YANAPASUNKIMAN?

Kanqam allin hinaspa kusikunapaq llamkay (Isaias 65:21-23).

Manam kanqañachu onqoywan ñakariyqa (Isaias 25:8; 33:24).

Kusisqam wiñaypaq kawsakusun amistadninchikkunawan hinaspa familianchikwan (Salmo 37:11, 29).

 ¿ISKAYRAYANACHU BIBLIAPA NISQANMANTA?

Manam, qawasun imanasqa:

  • Diosqa atiyniyoqmi promesankuna cumplinanpaqqa. Bibliapiqa Jehova Dioslla ‘Tukuy atiyniyoq’ kasqanmantam willakun (Apocalipsis 15:3). Chaymi nichwan kay Pachata allichananpaq promesankuna cumpliy atisqanmanta. Bibliapa nisqanman hinaqa ‘Diospaqqa tukuy imapas atinallanmi’ (Mateo 19:26).

  • Diosqa munanmi promesankuna cumpliytaqa. Jehova Diosqa munachkanmi wañusqa runakuna kawsarichiytaqa (Job 14:14, 15).

    Bibliaqa nintaqmi onqoqkunata Diospa Churin Jesus hampisqanmanta. ¿Imanasqam hampirqa? Allinyanankuta munaspanmi (Marcos 1:40, 41). Jesusqa Taytan hinam ñakariqkunata yanapayta munarqa (Juan 14:9).

    Jehova Dioswan Jesusqa hamuq tiempopi kusisqa kawsananchiktam munanku. ¡Manamá chaymantaqa iskayrayachwanchu! (Salmo 72:12-14; 145:16; 2 Pedro 3:9.)

 KAYPI YUYAYMANAY

¿Imaynatam Diosqa kay Pachata allichanqa?

Kay tapukuytam Biblia contestachkan MATEO 6:9, 10 hinaspa DANIEL 2:44.