“Cielokunatapas kay pachatapas [. . .] unanchaqtayá adoraychik” (Apocalipsis 14:7).

Yachamusqanchikman hinam, Bibliapiqa achka yachachikuykunata tarinchik qamtawan familiaykita yanapasunaykipaq. Jehova Diosqa munanmi kusisqa kanaykichikta. Chaymantapas, ninmi munaychakuyninta puntapi churaptikichikqa imapas pisipusuqnikichikta qosunaykichikmanta (Mateo 6:33). Diosqa munanmi amistadniki kayta. Chaynaqa, kallpanchakuyá paywan amistadniki hinalla wiñananpaq (Mateo 22:37, 38).

 1 JEHOVA DIOSWAN AMISTADNIKITA KALLPANCHAY

BIBLIAM NIN: “Ñoqam kasaq Taytaykichik, qamkunañataqmi churiykuna kankichik, ninmi [Jehova Dios]” (2 Corintios 6:18). Diosqa munanmi amistadniki kayta, chaypaqmi yanapasunki payta mañakuyniki. Kikinmi niwanchik: “Tukuy tiempoyá [. . .] mañakuychik”, nispa (1 Tesalonicenses 5:17). Payqa munanmi imapas llakinchikta hinaspa ima piensasqanchiktapas willananchikta (Filipenses 4:6). Familiaykiwan kuska mañakuptikiqa, paykunam qawanqaku Diospi hapipakusqaykita.

Ichaqa Diosta mañakuspaykipas uyarinaykim. ¿Imaynata? Palabrantawan qellqanchikkunata estudiaspaykim (Salmo 1:1, 2). Yuyaymanaytaq yachasqaykikunapi (Salmo 77:11, 12). Diosta uyarinaykipaqqa rinaykitaqmi huñunakuykunamanpas (Salmo 122:1-4).

Dioswan amistadnikiqa wiñanqataqmi paymanta huk runakunaman willakuptiki (Mateo 28:19, 20).

¿IMATAM RUWAWAQ?

  • Tiempochakuy Diosta mañakunaykipaq hinaspa Bibliata sapa punchaw leenaykipaqpas

  • Familiaykita yanapay Diospa munayninta puntapi churanankupaq

2 FAMILIAYKIWAN DIOSTA YUPAYCHAY

BIBLIAM NIN: “Diosman asuykuptikichikqa paypas asuykusunkichikmi” (Santiago 4:8). Familiaykiwan Diosta yupaychanaykipaq huk punchawta hinaspa huk horata akllay (Genesis 18:19). Chayta ruwaspaykipas, sapa punchaw Diosta yuyariy hinaspa familiaykipa iñiynintapas kallpanchay. Bibliam nin: “Churikikunamanmi sapa kutilla [Jehova Diosmanta] yachachinki wasipi kaspa, ñanpi purispa, puñuq yaykuspa chaynataq hatarispaykipas”, nispa (Deuteronomio 6:6, 7). Chaynata ruwaspaykiqa Josuey hinam ninki: “Ñoqam ichaqa familiaykunapiwan Diosllata adorasaqku”, nispa (Josuey 24:15).

¿IMATAM RUWAWAQ?

  • Familiayki imapi yanapanata necesitasqanman hina yachachikuykunata horqoy