‘Runaqa manam rakinmanchu Diospa kuskanchasqantaqa’ (Marcos 10:9).

Jehova Diosmi nin: “Amayá warmikitaqa traicionaychu”, nispa (Malaquias 2:16). Kayqa ancha allinmi casado vidapi mana iskayrayanapaq, chaynapim kuyakuyninkupas astawan wiñanqa.

Kunan tiempopi casadokunaqa rakinakuyllapiñam kachkanku. Mana chay pasasunaykipaqmi iskay yanapakuykuna kachkan.

 1 CASADO VIDAYKITA PUNTAPI CHURAY

BIBLIAM NIN: ‘Allin kaqkunata reqsiychik’ (Filipenses 1:10). Casado vidaykiqa imamantapas aswan allin kaqmi. Chaymi puntapi churanayki.

Jehova Diosqa munanmi señorallaykipi otaq qosallaykipi piensanaykita hinaspa kuskaykichik vida pasanaykichiktapas (Eclesiastes 9:9). Munantaqmi kusisqa kananpaq imatapas ruwanaykita (1 Corintios 10:24). Señoraykiqa otaq qosaykiqa sutillatam qawanan chaninchasqaykita hinaspa necesitasqaykitapas.

¿IMATAM RUWAWAQ?

  • Señoraykiwan otaq qosaykiwan kuska kanaykipaq tiempochakuy

  • Iskaynikichikpi piensaychik, ama kikillaykipiqa

 2 SONQOYKITA WAQAYCHAY

BIBLIAM NIN: “Pipas warmita munapayaspan qawaqqa sonqonpim hukwan pierdekuy huchata rurarunña” (Mateo 5:28). Pipas huchapakuypi piensaspanqa señoranta otaq qosantam qepanchachkan.

Jehova Diosqa ninmi sonqonchikta waqaychanapaq (Proverbios 4:23; Jeremias 17:9). Chayta ruwanapaqqa, allintam akllananchik imapas qawasqanchikta (Mateo 5:29, 30). Jobmi chayta ruwarqa, payqa warmikunata mana munapayaspa qawananpaqmi ñawinwan contratota ruwarqa (Job 31:1). Qampas millakuypaq qalalla kaqkunata ama qawanaykipaq kallpanchakuy. Amataq mana señorayki otaq qosayki kaq runataqa imaraykupas munapayaychu.

¿IMATAM RUWAWAQ?

  • Sutillata qawachiy señoraykita otaq qosaykita ancha chaninchasqaykita

  • Señorayki otaq qosayki imayna tarikusqanpi piensay hinaspa imapas ruwasqayki hukmanyachiptinqa chay ruwayta chaylla saqey