Yachachikuypa kasqanman rinapaq

Yachachikuyman rinapaq

 12 KAQ YACHACHIKUY

¿Imataq pasawanchik wañukuptinchik?

¿Imataq pasawanchik wañukuptinchik?

Wañuruptinchikqa manañam imanchikpas kawsanñachu. Wañuyqa puñuy hinam (Juan 11:11-14). Wañuqkunaqa manañam uyarinkuchu, qawankuchu, rimankuchu nitaq imatapas yachankuchu (Eclesiastes 9:5, 10). Pantay religionkunam yachachinku wañuqkuna huk vidapiña kawsaspanku wañukuq abuelonkuwan tupasqanta. Ichaqa manam chaynatachu bibliaqa yachachin.

Wañusqakunaqa manam yanapawanchikmanchu nitaq manchachiwanchikmanchu. Runakunaqa costumbrenkuman hinam wañuqkunapaq imakunatapas ruwanku kusichiyta piensaspanku. Ichaqa chay ruwasqankuqa satanaspa rikurichisqanraykum Diostaqa mana kusichinchu, manataqmi wañuqkunapas kusikunmankuchu manaña maypipas kawsasqankurayku. Chaymi wañuqkunataqa mana manchakunanchikchu nitaq yupaychananchikchu. Kawsaq Diosllatam yupaychananchikqa (Mateo 4:10).

Wañuqkunam kawsarimunqaku. Hamuq tiempopim Jehova Diosqa wañuqkunata kawsarichinqa musuq pachapi kawsanankupaq (Juan 5:28, 29; Hechos 24:15). Imaynam puñuqkunatapas rikcharichichwan, chaynatam Diospas wañuqkunataqa wañuymanta kawsarichinqa (Marcos 5:22, 23, 41, 42).

“Wañuqkunaqa huk vidapiñam kachkanku” nisqankuqa llullam, satanas diablom chaynata piensanankupaq runakunata umachan. Satanaswan demoniokunam runakunata pantachin wañuqkunapa animan hinallaraq kawsasqanta piensanankupaq, pantachintaqmi wañuqkunaqa runakunata unquchisqanta hinaspa manchachisqanta piensanankupaqpas. Chaymantapas runakunatam pantachin musquykunawan. Chayraykum Jehova Diosqa millakun wañuqkunawan rimaq runakunata (Deuteronomio 18:10-12).