Yachachikuypa kasqanman rinapaq

¿Imataq Diospa Gobiernonqa?

¿Imataq Diospa Gobiernonqa?

¿Niwaqchu . . .

  •  . . . sonqonchikpi kasqanta?

  •  . . . rikchanachiylla kasqanta?

  •  . . . hanaq pachapi kasqanta?

 ¿IMATAM BIBLIA NIN?

“Hanaq Pacha Dios[mi] hatarichinqa mana tuñichiy atina gobiernota.” (Daniel 2:44, Chuya Qellqa.)

“Churitam Tayta Dios qoykuwanchik, munaychakunanpaqmi [otaq gobiernananpaqmi] atiyta qoykun.” (Isaias 9:6, Chuya Qellqa, revisión 2012.)

¿IMAPIM KAY NISQANQA YANAPASUNKIMAN?

  • Allin gobierno kasqanraykum sapakamata yanapawasun (Isaias 48:17, 18).

  • Kusisqam mana onqoqña mosoq pachapi kawsakusun (Apocalipsis 21:3, 4).

 ¿ISKAYRAYANACHU BIBLIAPA NISQANMANTA?

Manam, qawasun imanasqa:

  • Jesusqa Diospa Gobiernonpi imakuna ruwanantam qawachirqa. Yachachirqam Diospa Gobiernon hamunanmanta hinaspa kay Pachapi munaynin ruwakunanmanta qatiqninkuna mañakunankupaq (Mateo 6:9, 10). Chaymantapas qawachirqam imayna ruwakunanmanta.

    Jesus kay Pachapi kaspanqa yarqaymanta kaqkunatam mikuchirqa, onqoqkunatam hampirqa hinaspapas wañuqkunatam kawsarichirqa (Mateo 15:29-38; Juan 11:38-44). Qawachirqataqmi Diospa Gobiernonpi kamachispan tukuy imakuna ruwananmantapas (Apocalipsis 11:15).

  • Tukuy ima pasakusqanmi qawachin Diospa Gobiernon kayllapiña kasqanta. Diospa Gobiernon manaraq kay Pachata kamachimuptin guerrakuna, terremotokuna hinaspa muchuykunapas kananmantam Jesusqa willakurqa (Mateo 24:3, 7).

    Chaykuna nisqanmi kunanqa sutilla qawakuchkan. Chaymi mana iskayrayachwanchu Diospa Gobiernon chaykuna chinkachinanmantaqa.

 KAYPI YUYAYMANAY

¿Imaynataq Diospa Gobiernon ukupi kawsakuyqa kanqa?

Kay tapukuytam Biblia contestachkan SALMO 37:29 hinaspa ISAIAS 65:21-23.