4:16-18

Kaypi yuyaymanay: Iskay ayllukunam tuñiruchkaqña wasipi yachanmanku. Huknin ayllum llakisqa kachkanku, huknin aylluñataq kusisqa kachkanku. ¿Imanasqataq kusisqa kachkanku? Manapas unaymanta huk musuq wasimanña astakunankumanta yachasqankuraykum.

Lliwmi ñakarichkanchik, chaywanpas Diosta serviqkunaqa yachanchikmi hamuq punchawpi manaña ñakarinanchikmanta, chayta yachasqanchikraykum sasachakuy aguantayta atinchik (Ro 8:22). Kunan tiempo ñakarisqanchikqa pasaruqllam. Hamuq punchawpi Dios imata quwananchikpi yuyaymanaspanchikqa ima ñakariypiña tarikuspanchikpas manam hukmanyasunchu, aswanqa kusisqam kasun.