Miercoles 23 marzo killapim Jesuspa wañukusqanta yuyarinapaq huñunakuypi 12 wara-waranqantin runakunata chaskiykuyta munachkanchik. Yachachiq iñiqmasinchikmi willakunqa Jehova Dios runakunarayku churin qusqanmanta hinaspa imaynata yanapawasqanchikmantapas (Is 11:6-9; 35:5, 6; 65:21-23; Jn 3:16). Ichaqa manamá yachachiq iñiqmasillanchikchu Diostaqa hatunchanqa. Ñuqanchikpas chaytaqa ruwachwanmi hamuqkunata allinta chaskiykuspanchik (Ro 15:7). Yachaykusunyá imayna chaskiykunanchikmanta.

  • Tiyaykuspa huñunakuy qallarinanta suyananchikmantaqa kusikuywanyá chayllaraq hamuqkunata hinaspa iñiyninkupi chiriyaruq iñiqmasinchikkunata chaskiykusun. Asiriykuspa paykunawan rimariy.

  • Kallpanchakuy huñunakuyman hamunankupaq willasqayki runakunata sumaqta chaskiykunaykipaq. Ichaqa qawariytaq invitacionta chaskisqankurayku hamuqkunatapas. Niwaqtaqmi qanwan kuska tiyaykunanpaq, hinaspapas kuskam qawawaqchik bibliaykitawan takina qillqaykita.

  • Huñunakuy tukuyta tapuy imapas mana entiendesqanmanta. Sichu qatiqllanman wakin iñiqmasinchikkuna huñunakunanku kaptinqa niykuy huk punchawña watukunaykipaq. Niwaqmi: “Huñunakuypi uyarisqanchikmantam astawan rimaykuyta munayman, ¿haykapitaq hinaspa maypitaq tupaykuchwan chaymanta rimariykunanchikpaq?”, nispa.