Yachachikuypa kasqanman rinapaq

Yachachikuyman rinapaq

 DIOSPAQ HINA KAWSANAPAQ

¿Imaynatam taksa qillqachanchikkunawan Diosmanta willakuyta qallarichwan?

¿Imaynatam taksa qillqachanchikkunawan Diosmanta willakuyta qallarichwan?

2018 enero killamantapacham Huñunakuypi yanapawaqninchik qillqapi kachkan runakunawan imaynata rimanapaq yanapakuy. Chaymantapacham kallpanchawachkanchik bibliata servichikuspa runakunawan rimanapaq. Chaypaqmi videokuna yanapawanchik runakunawan imaynata rimanapaq. Ichaqa, ¿chayraykuchu manaña ima qillqanchikwanpas willakuchwan? Manam. Willakuchwanmi ima qillqanchikwanpas. Taksa qillqanchikkunapas runakunawan rimayta qallarinapaqmi yanapawanchik. Kaynatam ruwachwan:

  1. Tapuchwanmi qallariyninpi kaq tapukuyta hinaspam ñawinchapuchwan uray patachanpi kaqkunata, hinaspam mayqantapas akllananta suyachwan.

  2. Chaymantaqa qawachinam qillqapa qipanpi rikuriq “¿Imatam biblia nin?” niqta. Wasiyuq astawan yachayta munaptinqa parlarichwanmi qillqapa wakin yachachikuyninmantapas.

  3. Chaymantaqa, qawasqanchik qillqatam wasiyuqman quchwan, hinaspam nichwan tiempochanpi ñawinchayta tukunanpaq.

  4. Manaraq pasakuchkaspam qawachinanchik “Kaypi yuyaymanay” niqpi tapukuyta, hinaspam nina huk punchaw bibliawan chaymanta yachanapaq.

Watukuspañataqmi tapukuy saqisqanchikmanta yachananchik, hinaspam huk tapukuyta yapapaq saqina. Chay tapukuytaqa akllachwanmi jw.org niqmanta utaq kay taksa qillqachanchikpi rikuriq qillqamanta. Astawan yachayta munaptinqa, Diosmanta allin noticiakuna qillqanchikta utaq bibliamanta yachachinapaq mayqan qillqanchiktapas quchwanmi.