Tito 2:1-15
2 Qamyá ichaqa hinalla rimay allin yachachikuyman hina.+
2 Mayor kaq qarikunaqa kananku tukuypi controlakuqmi, allin respetana hinaspa imatapas yuyaywan ruwaqmi. Paykunaqa iñisqankupipas allintam takyananku, runamasinkutapas kuyanankum, sasachakuykunapi kaspapas aguantanankum.
3 Mayor kaq warmikunapas kananku Diospa munasqanman hina kawsakuqmi, runamasinta yanqamanta mana tumpaqmi, vino tomayman mana qukuruqmi hinaspa imapas allin ruwaykunata yachachiqmi.
4 Chaynapim paykunaqa sipas warmikunata yachachinqaku* qusanku kuyayta, wawanku kuyayta,
5 allin yuyaywan imapas ruwaq kayta, chuya sunqu kayta, wasinkupi imapas allin ruwayta, allin runa kayta hinaspa qusankuta tukuy imapi kasukuyta,+ chaynapi Diospa palabranpa contranpi mana allinkunata pipas mana rimananpaq.
6 Chaynallataqyá musukunatapas kallpanchay allin yuyaywan imapas ruwaq kanankupaq.+
7 Ichaqa qamraqmi qatipakunapaq hina kanayki tukuy ima allin ruwaypi. Sumaqtayá allin yuyaywan allin yachachikuykunataqa* yachachiy,+
8 chaytaqa ruwanayki hukkunata yanapananpaq hina allin rimaykunallawanmi, chay rimasqaykimantaqa manam pipas mana allintaqa rimananchu,+ chaynapi chiqniwaqninchik runakuna ñuqanchikpa contranchikpi ima niytapas mana atispanku pinqaypi kanankupaq.+
9 Sirvientekunapas patronninkutam tukuy imapi kasukunanku,+ paykunaqa patronninkuwanmi kuyachikunanku, hinaspapas mana kutipakuqmi kananku.
10 Patronninpataqa ama imantapas suwakuchunkuchu,+ aswanqa tukuy imapi confianza runa kachunku, chaynapi tukuy ima ruwasqankupi salvaqninchik Diospa yachachikuyninta sumaq kasqanta qawachinankupaq.+
11 Diosmi ancha kuyakuyninta* qawachiwarqanchik, chaywanmi tukuy rikchaq runakuna salvakunqaku.+
12 Ancha kuyakuyninta Dios qawachiwasqanchikmi yachachiwanchik runakunapa mana allin munayninkunata+ hinaspa imapas mana allin kaqkunata qipanchananchikpaq, yachachiwanchiktaqmi kay tiempopi*+ allin yuyaywan ruwanapaqpas, allin ruwaq kanapaqpas chaynataq Diosta tukuy sunquwan servinapaqpas.
13 Chaynaqa kasun imapas suyasqanchikkuna+ cumplikunanta suyaspanchikmi hinaspa Diosninchikpa chaynataq salvaqninchik Jesucristopa kanchariywan rikurimunanta suyaspanchikmi.
14 Payqa ñuqanchikraykum vidanta qurqa+ tukuy mana allin ruwasqanchikmanta librawananchikpaq hinaspa chuyanchawananchikpaq, chuyanchawanchikqa runankuna kananchikpaqmi, chay runankunaqa allin kaqkunata+ ruway munaqllañam kanchik.+
15 Tukuy kaykunamanta hinalla rimay, hukkunata kallpanchay* chaynataq kamachinaykipaq churasqa kasqaykiman hina pantaypi kasqankuta qawachiy.+ Pipas respetasunaykipaq hinayá qamqa kawsakuy.
Willakuykuna
^ Utaq: “Yuyayninkuman kutinankupaq yanapanqaku”, “rimapayanqaku”.
^ Ichapas kanman: “Imam kaqta”, niqpas.
^ Kaypiqa rimachkan mana kuyana kachkaspa kuyasqa kaymantam.
^ Qaway “kay tiempo” niqpa ima ninan kasqanta.
^ Utaq: “Rimapayay”.
