Salmos 94:1-23
94 ¡Mana allin ruwasqankuman hina kutichipuq Jehova Dioslláy!+
¡Mana allin ruwasqankuman hina kutichipuq taytalláy, kanchariy!
2 Kay pachapa jueznin, hatariy.+
Hatuntukuq runakunamanyá imam ruwasqankuman hina kutichipuy.+
3 Jehova Dioslláy, ¿haykapikamataqmana allin ruwaqkunaqa kusisqa kanqaku?+
4 Mana samaykuspam mana allinkunata rimachkanku,mana allin ruwaqkunam llapallanku hatuntukuspa purichkanku.
5 Jehova Dioslláy, runaykikunatam sarupachkanku,+akllakusqaykikunatam ñakarichichkanku.
6 Viudakunatawan huklaw llaqtayuqkunatam wañuchichkanku,mana taytayuqkunatam wañuchichkanku.
7 Ninkum: “Jehova* Diosqa manam rikuwanchikchu,+Jacobpa Diosninqa manam kaytaqa yachanchu”, nispa.+
8 Mana yuyayniyuq runakuna, kayta yachaychik,mana yachayniyuqkuna, ¿haykapitaq yachayniyuq kankichik?+
9 ¿Manachu rinrita ruwaqqa uyarinman?
¿Manachu ñawita ruwaqqa rikunman?+
10 ¿Manachu llapallan runakunata rimapayaqqa qaqchanman?+
¡Paymi runakunaman yachayta quqqa!+
11 Jehova Diosqa yachanmi runakunapa imapas piensasqantaqa,payqa yachanmi waspiy hinalla kasqankuta.+
12 Jehova* Dioslláy, mayna kusisqam corregisqayki runaqa,+mayna kusisqam kamachikuynikikunata yachachisqayki runaqa.+
13 Paymanqa sasachakuy punchawkunapim hawkayayta qunki,mana allin ruwaqkunapaq uchkuta uchkunankukamam hawkayayta qunki.+
14 Jehova Diosqa manam saqinqachu runankunataqa,+manam saqinqachu akllakusqankunataqa.+
15 Juezkunaqa allin kaqtañam ruwanqaku,allin sunquyuq runakunapas chaytam ruwanqaku.
16 ¿Pitaq mana allin runakunamanta harkaykuwanman?
¿Pitaq mana allin ruwaqkunamanta waqaychaykuwanman?
17 Jehova Dios mana yanapawaptinqamanapas unaypich wañuruymanña karqa.+
18 “Wichiykullachkaniñam” nispa niptiymiJehova Diosqa kuyakuyninwan* takyaykachiwarqa.+
19 Llakikuna intuwaptinmisunqullayta tiyaykachispa hawkayaykachillawarqanki.+
20 ¿Yaqachu mana allin kamachiqqa qanwan hukllawakunman?
Kamachikuykunaman hina mana ruwaq kamachiqqa, ¿yaqachu qanwan hukllawakunman?+
21 Allin ruwaqtam ñakarichinku,+mana huchayuqtam wañuchinku.+
22 Ñuqapaqmi ichaqa Jehova Diosniyqa pakaykuwaqniy kanqa,Diosniyqa pakakunay hatun rumi hinam.+
23 Payqa imam mana allin ruwayta munawasqankuman hinam paykunataqa ruwanqa,+paykunapa imam ruway munasqallankuwanmi paykunataqa chinkarachinqa.
Jehova Diosmi paykunataqa chinkachinqa.+
Willakuykuna
^ Kaypi Jehova sutitaqa Jah nispapas nichwanmi.
^ Kaypi Jehova sutitaqa Jah nispapas nichwanmi.
^ Kaypiqa rimachkan imaña kaptinpas hinalla kuyakuq kasqanmantam.
