Numeros 23:1-30
23 Chaymantam Balaamqa kamachiq Balacta nirqa: “Altartayá qanchista kaypi ruwapuway,+ hinaspayá qanchis torota hinaspa qanchis carnerota pusamuy”, nispa.
2 Hinaptinmi Balacqa chaylla ruwarqa. Chaymantam iskayninku sapa altarpi huk torota hinaspa huk carnerota kañarqaku.+
3 Chaymantañataqmi Balaamqa kamachiq Balacta nirqa: “Kayllapiyá kachkay, ñuqañataq Jehova Dioswan rimaq rirusaq, icha imatapas nimuwanman. Imatapas nimuwaptinqa willasqaykim”, nispa. Hinaspam Balaamqa muquman rirqa.
4 Chay muqupim Diosqa Balaamta rimapayarqa,+ hinaptimi Balaamqa Diosta nirqa: “Altartam qanchista qati-qatillata ruwarachini, hinaspam sapa altarpi huk torota hinaspa huk carnerota nakaspa kañarachimuni”, nispa.
5 Chaymi Jehova Diosqa Balaamta ima rimananpaq yacharachispan nirqa:+ “Kutispayá Balacta nimuy yachachisqayman hina”, nispa.
6 Kutiruptinñataqmi Moabta kamachiq Balacqa yanapaqninkunapiwan kañasqankupa kasqanpi sayachkasqaku.
7 Hinaptinmi Balaamqa sumaq rimaykunawan nirqa:+
“Moabta kamachiq Balacmi Aram llaqtaymanta pusachimuwarqa,+llaqtayqa kachkan intipa qispimunan lawpim. Balacmi niwarqa:
‘Hamuspayá Jacobpa mirayninkunata ñakapuway.
Hamuspayá Israelpa mirayninkunata ñakapuway’,+ nispa.
8 ¿Imaynamá ñakayman Diospa mana ñakasqan runakunataqa?
¿Imaynamá ñakayman Jehova Diospa mana ñakasqan runakunataqa?+
9 Ñuqaqa rumikunapa hawanmantam paykunata qawachkani,ñuqaqa muqukunapa hawanmantam paykunata rikuchkani.
Paykunaqa sapaqpim yachanku,manam huklaw nacionkunapi runakuna hinachu kanku.+
10 ¿Pitaq Jacobpa mirayninkunata yupayta atinman?+
¿Pitaq Israelpa mirayninkunata wakillantapas yupayta atinman?
Ñuqaqa allin ruwaq runa hinam wañukuyta munani,paykuna hinam wañukuyta munani”, nispa.
11 Hinaptinmi kamachiq Balacqa Balaamta nirqa: “¿Imatataq rimarunki? Chiqnisqay runakunata ñakanaykipaqmi qayachimurqaykiqa, manam paykuna allinlla kanankumanta rimanaykipaqchu”, nispa.+
12 Balaamñataqmi nirqa: “¿Manachu nirqayki Jehova Diospa niwasqallanta rimanaypaq?”, nispa.+
13 Balacñataqmi nirqa: “Hakuyá huk muqumanña, chaymanta Israelpa mirayninkunata wakillantapas qawaspayki ñakapuwanaykipaq”, nispa.+
14 Chaynata nispanmi Balacqa Zofim lawpi Pisga sutiyuq muquman pusarurqa.+ Chaypim altarta qanchista ruwarqa, hinaspam sapa altarpi huk torota hinaspa huk carnerota kañarqa.+
15 Balaamñataqmi kamachiq Balacta nirqa: “Kayllapiyá kachkay, ñuqañataq Dioswan rimaq rirusaq”, nispa.
16 Jehova Diosñataqmi Balaamta ima rimananpaq yachachispan nirqa:+ “Kutispayá Balacta nimuy yachachisqayman hina”, nispa.
17 Chaymi Balacpa kasqanman kutirqa, Balacñataqmi kañasqan animalpa kasqanpi yanapaqninkunapiwan sayachkasqa. Hinaptinmi kamachiq Balacqa Balaamta nirqa: “¿Imatataq Jehova Dios niykamusunki?”, nispa.
18 Balaamñataqmi sumaq rimaykunawan nirqa:+
“Hatarispaykiyá uyariykuway.
Uyariykuwayá Ziporpa churin Balac.
19 Diosqa manam runa hina llullakuqchu,+Diosqa nisqanman hina ruwaqmi.+
Imatapas nispanqa ruwanpunim.
Imatapas rimaspanqa chayman hinam ruwan.+
20 Allin kaqkunata rimanaypaqmi pusamuwasqanki.
Diosmi bendecirqa,+ manam huktaqa rimaymanchu.+
21 Diosqa manam munanchu Jacobpa mirayninkunata layqata ruwaspa ñakanankutaqa,manataqmi munanchu Israelpa mirayninkuna ñakarinankutaqa.
Jehova Diosninkum paykunataqa yanapan,+Diosmi paykunapa kamachiqninqa.
22 Diosmi Egiptomanta paykunata pusamuchkan.+
Diosmi paykunataqa harkachkan piña toro hina.+
23 Yanqam Jacobpa mirayninkunata layqata ruwaspa ñakayqa+chaynataq Israelpa mirayninkunapaq mana allinta tantiayqa.+
Kunanqa paykunamantam nichwan:
‘¡Diospa imayna yanapasqantayá qawaychik!’, nispa.
24 Paykunaqa leon hinam hatarinqaku,+leon hinam chutapakunqakupas.
Manam samanqakuchu hapisqankuta mikunankukama,manam samanqakuchu yawarninta llaqwanankukama”, nispa.
25 Hinaptinmi kamachiq Balacqa Balaamta nirqa: “Paykunata ñakayta mana atispaqa amataqyá bendeciypaschu”, nispa.
26 Balaamñataqmi nirqa: “¿Manachu Jehova Diospa niwasqallanta ninayqa karqa?”, nispa.+
27 Hinaptinmi Balacqa nirqa: “Hakuyá huklawmanña. Ichapas huklawmanta ñakapuwayniki Diospaqqa allin kanman”, nispa.+
28 Hinaspam Balacqa Peor sutiyuq muquman pusarqa. Chay muqumantaqa rikukunmi Jesimonpas*.+
29 Hinaptinmi Balaamqa kamachiq Balacta nirqa: “Altartayá qanchista kaypi ruwapuway, hinaspayá qanchis torota hinaspa qanchis carnerota pusamuy”, nispa.+
30 Chaymi Balacqa kamachisqanta kasukuspan sapa altarpi huk torota hinaspa huk carnerota kañarqa.
Willakuykuna
^ Ichapas kanman: “Chunniqpas”, niqpas.
