Job 38:1-41
-
Runaqa mana imapas kasqanmanta Jehova Diospa rimarisqan (1-41)
38 Hinaptinmi Jehova Diosqa manchakuypaq wayra ukumanta rimamuspan Jobta nirqa:+
2 “¿Pitaq ñuqapa rimapayasqaykunatayanqapaq hapispan muspaypi hina rimachkan?+
3 Wiqawnikita qari hina sumaqta watakuspayá uyariykullaway.
Kunanmi tapuptiy rimarinayki.
4 ¿Maypitaq karqanki kay allpa pachata unanchayta qallariptiy?+
Rimariykamuyá yachayniyuq kaspaykiqa.
5 Yachaptikiqa, ¿pitaq allpa pacha mayna sayayniyuq kananpaq tantiarqa?
¿Pitaq tupunanpaq cordelta chutarqa?
6 ¿Maypitaq takyachiqnin rumikuna kachkan?
¿Pitaq esquinanpi hapiq rumita churarqa?+
7 ¿Pitaq chaykunata ruwarqa achikyaq lucerokuna+ kusikuymanta qapariptin?
¿Pitaq chaykunata ruwarqa Diosta hatunchaspa angelkuna*+ kusikuymanta qapariptin?
8 ¿Pitaq lamar quchapa punkunkunata wichqarqa+tuqyamuspan llumpayta mana achkayarunanpaq?
9 ¿Pitaq chayta ruwarqa lamar quchatapuyukunawan hinaspa tutayaywan wankiptiy,
10 maykamalla chayananpaq tantiaptiy,punkuntawan punkun hapiq kaspikunata churaptiy+
11 hinaspa ‘kaykamallam qamqa chayamunki,kaykamallam hatuntukuq olaykikunapas chayamunqa’ nispa niptiy?+
12 ¿Yaqachu qam kamachiptiki achikyamun?
¿Yaqachu qam kamachiwaq mayninta inti lluqsimunanpaq?+
13 ¿Yaqachu qam kamachiptiki tukuy hinastinpi achikyarunmanmana allin ruwaqkunata qarqunanpaq?+
14 Achikyamuptinqa allpa pacham suma-sumaqllaña qawakun mituta imawanpas ñupurusqa hina*hinaspa runapa pachanpi tukuy rikchaq alaqachakuna* hina.
15 Mana allin ruwaqkunapam ichaqa achkipi hina kasqankupas tukunqa,mana allin ruwaqkunaqa manañam haykapipas runamasinkutaqa ñakarichinqakuchu.
16 ¿Yaqachu lamar quchapa ñawinkama chayarqanki?
¿Yaqachu lamar quchapa pampankama chayarqanki?+
17 ¿Yaqachu wañuypa punkunta pipas qawachisurqanki?+
¿Yaqachu yanay-yanay tutayaypa punkunta rikurqanki?+
18 ¿Yaqachu allpa pacha mayna sayayniyuq kasqanta yachanki?+
Tukuy chaykunata yachaspaykiqa niykuwayá.
19 ¿Maynintataq achkipa kasqanman rina?+
¿Maypitaq tutayaypa kasqanqa kachkan
20 chayman kutichinaykipaqhinaspa maynin rina kasqanta yachanaykipaq?
21 ¿Chaykunataqa yachanki ñawpaqtaraq nacesqaykiraykuchuhinaspa unay wataña kawsakusqaykiraykuchu?
22 ¿Yaqachu yaykurqanki riti+ waqaychana wasikunaman?
¿Yaqachu rikurqanki runtu para+ maypi waqaychasqa kasqanta?
23 Chaykunatam ñuqaqa waqaychani sasachakuy punchawpaqhinaspa wañuchinakuy punchawpaq.+
24 ¿Maymantataq achkiqa* rikurimun?
¿Maymanta rikurimuspataq intipa qispimunan lawmanta wayraqa wayramun?+
25 ¿Pitaq loco parapaq ñanta kicharqa?
¿Pitaq yanay-yanay puyupaq tunrururumuspa paramunanpaq ñanta kicharqa?+
26 ¿Pitaq chaykunata ruwarqa chunniqpi parananpaq,runakunapa mana kasqanpi parananpaq chaynataq+
27 saqisqa hinaspa purmasqa allpata nuyuptinqurakuna wiñamunanpaq?+
28 ¿Yaqachu paraqa taytayuq kanman?+
¿Pitaq sullata wachakunman karqa?+
29 ¿Pi wachakuptintaq riti rikurirqa?
¿Pi wachakuptintaq qasa qasamuspan+
30 yakukunapa hawanta rumiyarachinhinaspa quchakunapa hawanta rankachurun?+
31 ¿Yaqachu qam Suchu* sutiyuq lucerokunata wataruwaq?
¿Yaqachu qam Suwapa corralnin* sutiyuq lucerokunata+ watasqa kasqanmanta paskaruwaq?
32 ¿Yaqachu lucerokunata* tiempollanpi rikurinanpaq kamachiwaq?
¿Yaqachu Cabeza* sutiyuq lucerokunata wawantinta maynin rinanta niwaq?
33 ¿Yachankichu cielopi tukuy imapas allinlla kananpaq imakuna yanapasqanta*?+
¿Qam kamachiptikichu cielopi rikusqanchik kaqkuna kay pachatapas yanapan*?
34 ¿Yaqachu puyukunata rimapayaykuptikinuyusunaykipaq paraykamunman?+
35 ¿Yaqachu llipyaykunata rikurichiwaq?
¿Yaqachu paykuna hamuspanku nisunkiman ‘kaypim kachkaniku’ nispa?
36 ¿Pitaq puyukunaman* yachayta qurqa?+
¿Pitaq cielopi tukuy ima kaqkunaman* yachayta qurqa?+
37 ¿Pitaq ancha yachayniyuq kanman puyukunatapas yupananpaq?
¿Pitaq puyñukunamanta tallimuchkaq hina cielomanta parachimunman,+
38 chaynapi allpapas mituyananpaqhinaspa kurpakunapas laqanakunanpaq?
39 ¿Qamchu leonpa mikunanta hapipunki?
¿Qamchu malta leonkunaman saksanankama mikuchinki+
40 machayninpi puñuchkaptinpasutaq laqakuykuspa watiqamuptinpas?
41 ¿Pitaq cuervoman mikuchin?+
¿Pitaq cuervopa mallqunkunaman mikuchinyarqaymanta kayman-chayman pawaykachaspa qayakamuwaptin?”, nispa.
Willakuykuna
^ Utaq: “Diospa churinkuna”.
^ Utaq: “Mitupi sellowan sellasqa hina”.
^ Utaq: “Colorkuna”.
^ Ichapas kanman: “Llipyayqa”, niqpas.
^ Hebreo rimaypiqa nichkan: “Kima”, nispam.
^ Hebreo rimaypiqa nichkan: “Kesil”, nispam.
^ Hebreo rimaypiqa nichkan: “Ash”, nispam.
^ Hebreo rimaypiqa nichkan: “Mazarotta”, nispam.
^ Hebreo rimaypiqa nichkan: “Leykuna kasqanta”, nispam.
^ Ichapas kanman: “¿Qam kamachiptikichu kay pachatapas Dios kamachin?”, niqpas.
^ Ichapas kanman: “Runaman”, niqpas.
^ Ichapas kanman: “Runapa yuyayninman”, niqpas.
