Job 37:1-24
37 Eliuqa nirqataqmi: “Chaykunaraykum sunqullaypas pakpakyachkan,chaykunaraykum sunqullaypas qasquymanta pawaruchkanña.
2 Upallallayá uyariychik kallpawan Diospa rimamusqanta,upallallayá uyariychik tunrururumuq hina rimamusqanta.
3 Diosqa cielopim tunrururuchin,llipyaykunatapas+ kay pachamanmi kuchun-kuchun chayachin.
4 Chaymantapas Diospa qapariyninmi uyarikun,rimasqanpas tunrururumuchkaq hinaraqmi uyarikun.+
Pay rimamuptinqa llipyaykunapas manam samanchu.
5 Dios rimamuptin tunrururumusqanqa suma-sumaqmi,+payqa mana yachay atisqanchikkunatam imatapas suma-sumaqta ruwan.+
6 Dios kamachiptinmi lastapas kay pachaman wichimun,+pay kamachiptinmi parapas nisyuta paramun.+
7 Chaynatam Diosqa runakunata imatapas ruwachkaptinku samarachin,chaynapi Diospa imapas ruwasqankunata yachanankupaq.
8 Purun animalkunapas uchkukunamanmi yaykun,paykunaqa machayninkupim pakarayan.
9 Nisyu wayrapas maymi kasqanmantam wayramun,+chiripas norte lawpi wayrapa apamusqanmi chayamun.+
10 Dios pukuykuptinmi ritipas rikurin+hinaspa hatun quchakunapi yakupas rankachurun.+
11 Diosqa puyupim yakuta churan,puyupim llipyaykunatapas llipipipichin.+
12 Paypa kamachisqanman hinam muyunku,paypa nisqanman hinam kay pachapa hawanpi tukuyta ruwanku.+
13 Chaykunaqa wakinpim Diospa piñakuynin chayamunanpaq,+wakinpiñataqmi kay allpa pachapi imapas allin kananpaq utaq Dios ancha kuyakuq* kasqanta yachanapaq.+
14 Uyariykullaway Job,Diospa imapas suma-sumaq ruwasqankunapiyá yuyaymanay.+
15 ¿Yachankichu puyukunata imaynata Dios kamachisqanta?
¿Yachankichu llipyaykunata imaynata puyupi rikurichisqanta?
16 ¿Yachankichu puyukuna imayna takyachisqa kasqanta?+
Chaykunawanmi yachanchik Diosqa ancha-ancha yachayniyuq kasqanta.+
17 ¿Imaynanpitaq pachaykikuna qunirinkay allpa pacha quni wayrawan* hawka kachkaptinqa?+
18 ¿Yaqachu paywan kuska cielota suma-sumaqta mastariwaq+
fierromanta ruwasqa espejota hina?
19 Diosta ima ninaykupaqyá yachaykachiwayku,ñuqaykuqa tutayaypi hina kaspam mana ima niytapas atinikuchu.
20 ¿Yaqachu Diosta niyman ‘qanwan rimaykuytam munachkani’ nispay?
¿Yaqachu pipas Dios uyarinanpaq hina paypa mana yachasqankunata rimarirqa?+
21 Runaqa manam intitaqa rikuyta atinmanchupuyukuna harkasqanrayku,rikuytaqa atinman puyukunata wayra chinkarachiptillanmi.
22 Norte lawmantam quri hina llipipipiq kanchay qawakamun,Diospa ancha atiyniyuq+ kasqanmi sumaqllaña qawakamun.
23 Tukuy atiyniyuq Diospa imayna kasqantaqa manam yachayta atichwanchu,+payqa ancha atiyniyuqmi.+
Payqa haykapipas allin ruwaqmi, manam mana allintaqa ruwanchu.+
24 Chaymi runakunaqa payta manchakunanku,+payqa manam yachaysapatukuq runakunamanqa sayapakunchu”, nispa.+
Willakuykuna
^ Kaypiqa rimachkan imaña kaptinpas kuyakuq kasqanmantam.
^ Utaq: “Sur lawmanta wayrawan”.