Job 26:1-14
26 Jobñataqmi nirqa:
2 “¿Chaynatachu yanapanki llakisqa runata?
¿Chaynatachu llakipayanki iquyasqa runata?+
3 ¿Ima allintataq rimarunki mana ancha yachayniyuq runapaq?+
¿Mayna allintañataq qamqa rimarunki?
4 ¿Pitaq rimachisuchkanki chaynata ninaykipaq?
¿Pipa yanapayninwantaq chaykunataqa nichkanki?
5 Wañusqakunaqa wañusqaña kachkaspankupas Diospa qayllanpiqa katkatatankum,wañusqakunaqa kachkan lamar quchapi kawsaqkunamantapas aswan ukupiraqmi.
6 Wañusqakunapa kasqanpas* Diospa yachasqallanmi kachkan,+wañuruspa maypi chinkasqanpas* paypa yachasqallanmi kachkan.
7 Diosqa mana imapa kananpim cielota mastarin,+payqa mana imapa hapisqantam kay allpa pachatapas takyachin.
8 Diosqa yakutapas puyupim takyachin,+chaywanpas puyukunaqa manam yakupa llasayninwanqa tuqyarunchu,
9 tronontapas mana qawanankupaqmi
payqa puyukunawan harkarachin.+
10 Diosqa lamar quchapa hawanta+ inti siqaykusqanwanmirakichkan punchawtawan tutata.
11 Pay piñakuptinqahanaq pachata hapiq pilarkunapas katkatatanmi.
12 Diosqa lamar quchatapas atiyninwanmi manchakuypaqta kuyuchin,+payqa ancha yachayniyuq kasqanraykum lamar quchapi manchakuypaq challwatapas* llikiparun.+
13 Diosqa pukuykuspallanmi* cielotapas kichay-kichayta rikurirachin,payqa makillanwanmi lluchkay-lluchkay culebratapas wañurachin*.
14 Chaykunaqa tukuy ima ruwasqanmanta wakichallanmi,+chaykunaqa simi ukullapi rimayta uyariy hinallam.
Hinaptinqa, ¿pitaq entiendeyta atinman nisyullay-nisyu tunrururuchimusqanta?”, nispa.+
Willakuykuna
^ Hebreo rimaypiqa nichkan: “Seolpas”, nispam. Qaway kay palabrapa ima ninan kasqanta.
^ Hebreo rimaypiqa nichkan: “Abadonpas”, nispam.
^ Hebreo rimaypiqa nichkan: “Rahabtapas”, nispam.
^ Utaq: “Samayllanwanmi”.
^ Utaq: “Tuksirun”.
