Genesis 5:1-32
5 Kay librom Adanmanta willakuchkan. Diosqa kikinman rikchakuqtam+ Adanta unancharqa.
2 Qaritawan warmitam unancharqa.+ Paykunata unancharuspanmi+ Diosqa bendecispan suticharqa “runa*” nispa.
3 Adan 130 watanpi kachkaptinmi payman rikchakuq qari churin nacerqa, paytam Setwan suticharqa.+
4 Churin Set nacesqanmantam Adanqa 800 watatawanraq kawsakurqa. Chay watakunapim churinkunaqa karqaraq qaripas warmipas.
5 Chaymantam 930 watanpi Adanqa wañukurqa.+
6 Set 105 watanpi kachkaptinmi churin Enos nacerqa.+
7 Churin Enos nacesqanmantam Setqa 807 watatawanraq kawsakurqa. Chay watakunapim churinkunaqa karqaraq qaripas warmipas.
8 Setqa 912 watanpim wañukurqa.
9 Enos 90 watanpi kachkaptinmi churin Kenan nacerqa.
10 Churin Kenan nacesqanmantam Enosqa 815 watatawanraq kawsakurqa. Chay watakunapim churinkunaqa karqaraq qaripas warmipas.
11 Enosqa 905 watanpim wañukurqa.
12 Kenan 70 watanpi kachkaptinmi churin Maalalel nacerqa.+
13 Churin Maalalel nacesqanmantam Kenanqa 840 watatawanraq kawsakurqa. Chay watakunapim churinkunaqa karqaraq qaripas warmipas.
14 Kenanqa 910 watanpim wañukurqa.
15 Maalalel 65 watanpi kachkaptinmi churin Jared nacerqa.+
16 Churin Jared nacesqanmantam Maalalelqa 830 watatawanraq kawsakurqa. Chay watakunapim churinkunaqa karqaraq qaripas warmipas.
17 Maalalelqa 895 watanpim wañukurqa.
18 Jared 162 watanpi kachkaptinmi churin Enoc nacerqa.+
19 Churin Enoc nacesqanmantam Jaredqa 800 watatawanraq kawsakurqa. Chay watakunapim churinkunaqa karqaraq qaripas warmipas.
20 Jaredqa 962 watanpim wañukurqa.
21 Enoc 65 watanpi kachkaptinmi churin Matusalen nacerqa.+
22 Churin Matusalen nacesqanmantam Enocqa 300 watatawanraq kawsakurqa, hinaspapas chiqap Diospa munasqanman hinam kawsakurqa*. Chay watakunapim churinkunaqa karqaraq qaripas warmipas.
23 Enocqa 365 watam kawsakurqa.
24 Payqa chiqap Diospa munasqanman hinam kawsakurqa.+ Chaymantaqa manañam pipas rikurqachu Dios chinkarachisqanrayku.+
25 Matusalen 187 watanpi kachkaptinmi churin Lamec nacerqa.+
26 Churin Lamec nacesqanmantam Matusalenqa 782 watatawanraq kawsakurqa. Chay watakunapim churinkunaqa karqaraq qaripas warmipas.
27 Matusalenqa 969 watanpim wañukurqa.
28 Lamec 182 watanpi kachkaptinmi qari churin nacerqa.
29 Paytam Noeywan suticharqa,+ chaynataqa suticharqa: “Paymi samaykachiwasun llamkayninchikmanta hinaspa kay allpata Jehova Dios ñakasqanrayku+ llamkaspa ñakarisqanchikmanta”, nispam.
30 Churin Noey nacesqanmantam Lamecqa 595 watatawanraq kawsakurqa. Chay watakunapim churinkunaqa karqaraq qaripas warmipas.
31 Lamecqa 777 watanpiñam wañukurqa.
32 Noey 500 watayuqña kachkaptinmi churinkuna nacerqa. Paykunam karqa: Sem,+ Cam+ hinaspa Jafet.+
