Genesis 36:1-43
36 Kaymi Esaumanta willakuy, Esaupa huknin sutinmi karqa Edom.+
2 Esaumi Canaan allpapi warmikunawan casarakurqa. Casarakurqam Ada sutiyuq warmiwan,+ Adaqa karqa Het kasta Elonpa churinmi.+ Esauqa casarakurqataqmi Aolibama sutiyuq warmiwanpas,+ payqa karqa Anaa sutiyuq runapa churinmi hinaspa Hev kasta Zibeonpa willkanmi.
3 Chaymantapas Esauqa casarakurqam Basemat sutiyuq warmiwanpas,+ Basematqa karqa Nebayotpa paninmi,+ paykunaqa Ismaelpa churinkunam karqa.
4 Esaupa warmin Adam wachakurqa Elifazta. Warmin Basematñataqmi wachakurqa Reuelta.
5 Warmin Aolibamañataqmi wachakurqa Jeusta, Jalamta hinaspa Coreyta.+
Paykunam Canaan allpapi naceq Esaupa churinkuna karqaku.
6 Chaymantam Esauqa wawqin Jacobpa yachasqanmanta* huklawman ripukurqa. Esauqa warminkunawan, churinkunawan hinaspa wasinpi lliw kaqkunawan kuskam ripukurqa. Qatirqam llapallan animalninkunata, aparqataqmi Canaan allpapi huñukusqan tukuy kapuqninkunatapas.+
7 Ripukurqaqa paypapas hinaspa wawqin Jacobpapas kapuqnin achkallay-achka rikurirusqanraykum. Animalninkupas achkallay-achkamanmi mirarurqa, chaymi michinankupaq allpapas manaña haypakurqachu.
8 Chayraykum Esauqa Seir urqukunapa kasqan lawman astakurqa.+ Esaupa huknin sutinmi Edom.+
9 Kaymi Esaumanta willakuy, payqa karqa Seir urqukunapa kasqan lawpi yachaq+ Edom runakunapa taytanmi.
10 Warmin Adapi Esaupa churinmi karqa Elifaz. Huknin warmin Basematpi churinñataqmi karqa Reuel.+
11 Elifazpa churinkunam karqa: Teman,+ Omar, Zefo, Gatam hinaspa Kenaz.+
12 Esaupa churin Elifazpa huknin warminmi karqa Timna. Timnapa wawanmi karqa Amalec.+
13 Reuelpa churinkunam karqa: Naat, Zera, Sama hinaspa Miza. Paykunam karqa Basematpa willkankuna.+
14 Esaupa warmin Aolibamapa wawankunam karqa: Jeus, Jalam hinaspa Corey. Aolibamaqa karqa Hev kasta Zibeonpa willkan Anaapa churinmi.
15 Esaupa churinkunamantam karqa kamachiqkuna.+ Piwi* churin Elifazmantam karqa: Teman, Omar, Zefo, Kenaz,+
16 Corey, Gatam hinaspa Amalec. Paykunam karqa Elifazpa miraynin+ Edom allpapi kamachiqkuna. Paykunaqa karqa Adapa willkankunam.
17 Churin Reuelmanta kamachiqkunañataqmi karqa: Naat, Zera, Sanma hinaspa Miza. Paykunam karqa Reuelpa miraynin Edom allpapi kamachiqkuna.+ Paykunaqa karqa Basematpa willkankunam.
18 Esaupa warmin Aolibamapi churinkunapas kamachiqkunam karqa. Paykunam karqa: Jeus, Jalam hinaspa Corey. Aolibamaqa karqa Anaapa churinmi.
19 Paykunam karqa Esaupa churinkuna hinaspa churinkunamanta kaq kamachiqkuna, Esaupa huknin sutinmi Edom.+
20 Chay allpapi yachaq Hor kasta Seirpa churinkunam karqa:+ Lotan, Sobal, Zibeon, Anaa,+
21 Dison, Ezer, hinaspa Disan.+ Paykunam karqa Hor kasta Seirpa churinkuna, paykunam karqa Edom allpapi kamachiqkuna.
22 Lotanpa churinkunam karqa: Hori hinaspa Hemam. Lotanpa paninñataqmi karqa+ Timna.
23 Sobalpa churinkunañataqmi karqa: Alvan, Manaat, Ebal, Sefo hinaspa Onam.
24 Zibeonpa churinkunañataqmi karqa:+ Aiya hinaspa Anaa. Anaaqa taytan Zibeonpa asnonta michichkaspanmi chunniqpi pukyuta tarirurqa, chay pukyumantam quni yaku lluqsirqa.
25 Anaapa churinmi karqa Dison, warmi churinñataqmi karqa Aolibama.
26 Disonpa churinñataqmi karqa: Hemdan, Esban, Itran hinaspa Keran.+
27 Ezerpa churinkunañataqmi karqa: Bilan, Zaavan hinaspa Asan*.
28 Disanpa churinkunañataq karqa: Uz hinaspa Aran.+
29 Hor runakunata kamachiqkunañataqmi karqa: Lotan, Sobal, Zibeon, Anaa,
30 Dison, Ezer hinaspa Disan.+ Paykunam karqa Seir allpapi Hor runakunata kamachiqkuna.
31 Israel runakunapa kamachiqnin manaraq kachkaptinmi Edom allpapi+ kay runakuna kamachirqaku:+
32 Beorpa churin Belam kamachirqa Edomta, Belaqa kamachirqa Dinaba llaqtamantam.
33 Bela wañukuptinmi Zerapa churin Jobabña kamachirqa, Zeraqa karqa Bozra llaqtamantam.
34 Jobab wañukuptinñataqmi Teman llaqtayuq Husamña kamachirqa.
35 Husam wañukuptinñataqmi Bedadpa churin Hadadña kamachirqa, Hadadqa kamachirqa Avit llaqtamantam. Hadadmi Madian runakunata Moab allpapi wañuchirqa.+
36 Hadad wañukuptinñataqmi Masreka llaqtayuq Samlaña kamachirqa.
37 Samla wañukuptinñataqmi mayu lawpi kaq Reobot llaqtayuq Saulña kamachirqa.
38 Saul wañukuptinñataqmi Acborpa churin Baal-ananña kamachirqa.
39 Acborpa churin Baal-anan wañukuptinñataqmi Hadarña kamachirqa, payqa Pau llaqtamantam kamachirqa, Hadarpa warminmi karqa Meetabel. Meetabelqa karqa Matredpa wawan hinaspa Mezabpa willkanmi.
40 Esaupa mirayninmanta kamachiqkunam karqa ayllunkuman hina, maypi yachasqankuman hina hinaspa sutinkuman hina. Paykunam karqa: Timna, Alva, Jetet,+
41 Aolibama, Ela, Pinon,
42 Kenaz, Teman, Mibzar,
43 Magdiel hinaspa Iram. Paykunam Edom allpapi kamachirqaku maymi yachasqanku allpankuman hina.+ Esauqa Edom runakunapa taytanmi karqa.+
