Genesis 10:1-32
10 Kay willakuyqa Noeypa churinkunamantam. Paykunapa sutinmi karqa Sem,+ Cam hinaspa Jafet.
Nisyullay-nisyu para chayamusqan qipatam paykunaqa churiyuqkuna karqaku.+
2 Jafetpa churinkunam karqa: Gomer,+ Magog,+ Madai, Javan, Tubal,+ Mesec+ hinaspa Tiras.+
3 Gomerpa churinkunam karqa: Askenaz,+ Rifat hinaspa Togarma.+
4 Javanpa churinkunam karqa: Elisa,+ Tarsis,+ Kitim+ hinaspa Dodanim.
5 Jafetpa mirayninkunam islakunapi yacharqaku*. Chaypim rimayninkuman hina, ayllunkuman hina hinaspa nacionninkuman hina yacharqaku.
6 Campa churinkunam karqa: Cus, Mizraim,+ Put+ hinaspa Canaan.+
7 Cuspa churinkunam karqa: Sebaa,+ Havila, Sabta, Raama+ hinaspa Sabteca.
Raamapa churinkunam karqa Seba hinaspa Dedan.
8 Nemrodpas Cuspa churinmi karqa, paymi kay pachapi manchakuypaq piña runa rikuriruspan pimantapas puntata ancha riqsisqa kayta qallaykurqa.
9 Nemrodqa karqa purun animalkunata hapiq kallpasapa hinaspa Jehova Diosta chiqniq runam. Chaymi runakunaqa paywan tupachispa pitapas niqku: “Payqa Nemrod hina purun animalkunata hapiq kallpasapa hinaspa Jehova Diosta chiqniq runam”, nispa.
10 Nemrodmi kamachiyta qallaykurqa: Babel,+ Erec,+ Akad hinaspa Calne sutiyuq llaqtakunata. Chayqa karqa Sinar+ lawpim.
11 Chay Sinar lawmantam Nemrodqa lluqsirqa Asiria+ lawman. Hinaspam chaypi hatarichirqa: Ninive,+ Reobot-Ir, Cala
12 hinaspa Resen sutiyuq llaqtakunata. Resen llaqtaqa karqa Ninive llaqtamanta Cala llaqtaman rinapim. Chay llaqtakunam hatu-hatun llaqta karqa.
13 Mizraimpa churinkunam karqa: Ludim,+ Anamim, Leabim, Naftuim,+
14 Patrusim,+ Casluim hinaspa Caftorim.+ Casluimpa mirayninkunam karqa Filistea runakuna.+
15 Canaanpa piwi* churinmi karqa Sidon.+ Huknin churinpa sutinñataqmi karqa Het.+
16 Canaanpa mirayninqa kaykunam karqa: Jebus runakuna,+ Amorreo runakuna,+ Guirgas runakuna,
17 Hev runakuna,+ Arac runakuna, Sin runakuna,
18 Arvad runakuna,+ Zemar runakuna hinaspa Hamat runakuna.+ Canaanpa mirayninkunaqa watakunapa risqanman hinam lliw chiqirurqaku.
19 Chaymi Canaan runakunapa allpankuqa Sidon lawmanta Guerar+ lawkama karqa, Guerarqa kachkan Gaza+ llaqtapa hichpanpim. Allpankuqa chayarqataqmi Sodoma, Gomorra,+ Adma hinaspa Zeboyim+ llaqtakama, chayqa karqa Lasa llaqtapa hichpanpim.
20 Paykunam Campa churinkuna karqa ayllunkuman hina hinaspa rimayninkuman hina chaynataq llaqtankuman hina hinaspa nacionninkuman hina.
21 Sempa churinkunapas karqam. Sempa mirayninmi karqa Eber hinaspa Eberpa mirayninkuna.+ Semqa Jafetpa wawqinmi* karqa.
22 Sempa churinkunam karqa: Elam,+ Asur,+ Arpaksad,+ Lud hinaspa Aram.+
23 Arampa churinkunam karqa: Uz, Hul, Gueter hinaspa Mas.
24 Arpaksadpa churinmi karqa Sela.+ Selapa churinñataqmi karqa Eber.
25 Eberpaqa iskaymi churinkuna karqa. Piwi kaqmi karqa Peleg*,+ chayna sutiyuqqa karqa chay tiempopi runakuna tukuy lawman chiqirusqankuraykum. Wawqinpa sutinñataqmi karqa Joctan.+
26 Joctanpa churinkunam karqa: Almodad, Selef, Hazarmavet, Jera,+
27 Hadoram, Uzal, Dicla,
28 Obal, Abimael, Seba,
29 Ofir,+ Havila hinaspa Jobab. Paykunam Joctanpa churinkuna karqa.
30 Paykunapa yachasqanku allpakunam karqa Mesa lawmanta intipa qispimunan Sefar lawkama, Sefarqa karqa urqukunapa kasqanmi.
31 Paykunam Sempa churinkuna karqa ayllunkuman hina hinaspa rimayninkuman hina chaynataq llaqtankuman hina hinaspa nacionninkuman hina.+
32 Paykunam Noeypa churinkunapa ayllunkuna karqaku mirayninkuman hina hinaspa nacionninkuman hina. Nisyullay-nisyu parapa qipantam enteron pachapi nacionkuna paykunamanta rikurirqa.+
Willakuykuna
^ Utaq: “Tiyarqaku”.
^ Utaq: “Punta naceq”.
^ Ichapas kanman: “Semqa Jafetpa mayorninmi”, niqpas.
^ “Peleg” ninanqa: “Rakinakuy”, ninanmi.
