Esdras 6:1-22
6 Hinaptinmi Dario nirqa kamachiqkunamanta rimaq libropi maskamunankupaq, chay libroqa Babiloniapim quri-qullqita churanapi karqa.
2 Media lawpi Ecbatana llaqtapim tarirurqaku kayna niq librota:
3 “Kamachiyta qallaykusqan watapim Ciroqa Jerusalenpi Diospa wasinmanta nirqa:+ ‘Juda runakunayá Diospa wasinta ruwachunku chaypi animalkunata kañanankupaq. Wasipa sayayninmi kanqa yaqa 27 metro*, waqtanpas yaqa 27 metrom kanqa.+
4 Kimsa muyuytam hatun rumikunata churanqaku, chaypa hawanmanñataqmi qirukunata* huk siqita churanqaku.+ Chaytaqa ruwanqaku kamachiqpa qullqinwanmi.+
5 Chaymantapas, qurimantawan qullqimanta serviciokunatam Jerusalenpi Diospa wasinpaq* kutichinqaku. Chaytaqa Nabucodonosormi Diospa wasinmanta Babiloniaman apakamurqa’”, nispa.+
6 Chaymi Dario nirqa: “Chaynaqa, Eufrates mayupa inti siqaykunan lawpi+ kamachiq Tatenai hinaspa chaylaw llaqtachakunapi kaq Setar-bozenaiwan wakin gobernadorkuna asuriychik Jerusalen llaqtamanta.
7 Amam harkakunkichikchu Diospa wasinta ruwanankutaqa. Juda runakunata kamachiqmi punta apaqkunawan maymi kasqanpi Diospa wasinta ruwanqaku.
8 Chaymantapas, hinalla ruwanankupaqmi qullqita qunaykichik.+ Qunaykichikqa Eufrates mayupa waklawninpi ñuqapaq huñusqaykichik qullqitam.+
9 Sapa punchawtaqmi Jerusalenpi sacerdotekunapa mañakusqantapas qunkichik. Qunkichikmi Diospaq kañanankupaq malta torokunata,+ carnerokunata+ hinaspa malta carnerokunata.+ Qunkichiktaqmi trigota,+ kachita,+ vinota+ hinaspa aceiteta.+
10 Chaynapim paykunaqa hanaq pachapi Diospaq sapa kuti kañapunqaku, hinaspapas ñuqapaqwan churiykunapaqmi mañakunqaku.+
11 Pipas kay kamachisqayta mana kasukuptinqa wasinpi qiruta hurquspam chaypi warkunkichik. Wasinpas runakunapa ispakunanñam kanqa.
12 Diosyá chinkachichun mayqan kamachiqpas utaq llaqtapas kay kamachisqayta mana kasukuptinqa utaq wasinta tuñichiptinqa. Chay wasiqa sutinta Dios riqsichinanpaqmi.+ Ñuqa kamachiq Dariom chaynata nini. Kamachisqaytayá chaylla kasukuychik”, nispa.
13 Chaymi Eufrates mayupa waklawninpi kamachiq Tatenaiwan Setar-bozenai+ yanapaqnintinkuna Dariopa kamachisqanta chaylla kasukurqaku.
14 Ageowan+ Idopa willkan Zacariasmi+ Diosmanta willakuspanku Juda llaqtapi punta apaqkunata kallpancharqaku, chaymi Diospa kamachisqanman hina chaynataq Persia nacionta kamachiq Ciropa,+ Dariopa+ hinaspa Artajerjespa+ kamachisqanman hina qispichirqaku.+
15 Dario suqta wataña kamachichkaptinmi adar* killapa kimsa kaq punchawninpi Diospa wasinta qispirachirqaku.
16 Chaymantam Diospaq wasita kusisqallaña sapaqcharqaku Israel runakuna, sacerdotekuna, Leviy ayllukuna+ chaynataq wakin kutimuqkunapas.
17 Chay punchawmi Diospaq nakarqaku 100 torota, 200 carnerota hinaspa 400 malta carnerota. Israel runakunapa huchanmantañataqmi qurqaku 12 chivota. Israelpi sapa ayllupaqmi huk chivota qurqaku.+
18 Moisespa qillqasqanman hinam+ Dios sacerdotekunatawan Leviy ayllukunata Jerusalenpi churarqaku rakisqa kasqankuman hina llamkanankupaq.+
19 Preso apasqa kasqankumanta kutimuqkunam punta kaq killapa 14 punchawninpi pascuata yuyarirqaku.+
20 Llapallan sacerdotekunawan Leviy ayllukunam llamkanankupaq chuyanchasqaña* karqaku.+ Chaymi pascua punchawpi animalta nakarqaku lliw preso apasqa kaqkunapaq, sacerdotekunapaq chaynataq kikinkupaq.
21 Chaymantam kutimuq Israel runakunaqa paykunaman hukllawakuqkunapiwan mikurqaku. Chay hukllawakuqkunaqa karqaku huklaw llaqtayuqkunapa mana allin ruwasqankuta saqiruspanku Jehova Diostaña yupaychaqkunam.+
22 Qanchis punchawmi mana levadurayuq tanta ruwana punchawtapas+ kusisqallaña yuyarirqaku. Yuyarirqakuqa Jehova Dios wasin ruwaypi Asiria nacionta kamachiqwan yanapachisqanraykum.+
Willakuykuna
^ Utaq: “60 kuchus”. Qaway B14 kaq yachachikuyta.
^ Utaq: “Kaspikunata”.
^ Utaq: “Templopaq”.
^ Qaway B15 kaq yachachikuyta.
