Job 19:1-29

19  Jobñataqmi nirqa:   ¿Haykapikamataq qamkunaqallakichiwankichik?¿Haykapikamataq yanqa rimasqaykichikwanmikuypaq-mikuwankichik?   Achka kutipiñampenqayman churaruwankichik qamkunaqa.Mana penqarikuspamtratapawankichik qamkunaqa.   Cheqaptaña pantayman wichiykuptiypaschay pantayqa ñoqallapaqñam.   Qamkunaqa contraypim hatunchakunkichik.Penqaypi tarikusqaytamqamkunaqa uyaypipuni niykuwankichik.   Ichaqa yachaychikyádaño ruraqniyqa Diospuni kasqanta.Yachaychikyá paypuni mallanwanñoqallaytaqa wankuruwasqanta.   “Ñakarichiwachkankum” nispa qayakuptiypasmanamya contestawanchu pillapas.Qayakuptiypas manamya kanchuima allin arreglollapas.   Diosmi ñanniyta wichqarunmanaña pasanaypaq.Ñanniytam tutayarachinmanaña qaway atinaypaq.   Reqsisqa kasqaytapasyanqacharunmi payqa.Corona qechuchkaq hinamallin reqsisqa kayniyta qechuruwan payqa. 10  Kaylawniymanta-waklawniymantamñoqallaytaqa pasaypaqta arruinaruwan.Sachata pelachkaq hinamconfianzaytapas qechuruwan. 11  Piñakuynintam contraypiwichiykachimuwan.Payqa enemigonpaqñam hapiruwan. 12  Imaynam tropakuna huklla huñunakurusparinku huk llaqtapa contranpi,chaynam paypas peleachkan contraypi.Chay tropakuna llaqtamanyaykunanpaq ñan rurachkaq hinampayqa peleachkan contraypi.Wasiyta muyuykuq tropakuna hinampayqa peleachkan ñoqapa contraypi. 13  Payqa ñoqamantam karuncharachinwawqeykunatapas.Manañam reqsiqpas tukuwankuñachureqsiqniykunapas. 14  Aylluykunapas manañamkapuwanñachu ñoqapaqa.Reqsisqaykunapas qonqaruwanñamñoqataqa. 15  Wasiypi samakuqkunapasmanañam reqsiqpas tukuwankuñachu.Sirvientaykunapas manañamreqsiqpas tukuwankuñachu.Forasterota hinam paykunaqamanaña reqsiqpas tukuwankuñachu. 16  Sirvienteta qayakuptiypasmanam contestawanchu.Kikiypuni ruegakuptiypasmanam contestawanchu. 17  Samayniypas asnarirunñam warmiypaqqa.Millakuypaqmi rikuriruni familiaypaqqa. 18  Warmakunapas ñoqallaytamdespreciawanku.Paykunaman rikuriykuptiymicontraypi rimanku. 19  Cheqnipakuruwankuñam kuyanakusqayamistadniykunapas.Contraypiñam churakurunku ñoqapasinchi kuyasqaykunapas. 20  Tulluywan qarallayñamrikuriruni.Kiruykuna hapiq aychallaywanñamlluptiruni. 21  Ñoqamantayá llakipayarikuychikamigollaykuna.Ñoqamanmi wichiykullawanDiospa castigonkuna. 22  ¿Imanasqataq ñakarichiwankichikDios hinaqa?¿Manaraqchum aminkichikmikuwachkaq hina kamiwaytaqa? 23  ¡Ima allincha kanman palabraykunaqellqasqa kaptinqa!¡Ima allincha kanman rimasqaykunalibropi qellqasqa kaptinqa! 24  ¡Ima allincha kanman fierromanta cincelwantiti tablapi pipas qellqaruptinqa!¡Ima allincha kanman rumipiwiñaypaq pipas qellqaruptinqa! 25  Ñoqaqa yachanipunimreclamaqniypa kawsakusqantaqa.Kaykuna pasaruptinmi kay pachapisayaykuspan defiendewanqa ñoqataqa. 26  Kay aycha cuerpoy onqoypamikupasqan kaptinpasñoqaqa hina cuerpoyoqraqmirikullasaq Diostapas. 27  Diostaqa kikiypunim rikuykusaq.Manam hukchu qawanqaqa,aswanqa ñawiywanpunim rikuykusaq. Ñoqapa sonqollaymi hukmanyarurqa 28  qamkunapa kayna nisqaykichikwan:“¿Imaynataq ñakarichichwanqa” nispa“Kikinpa huchankunaraykum ñakarichkanqa” nispa. 29  Chaynaqa qamkunayá espadata manchakuychik.Hucharayku Diospa apamusqan espadatayá manchakuychik,juicio kasqantam yachankichik.

Willakuykuna