Yachachikuypa kasqanman rinapaq

Yachachikuyman rinapaq

Jehova Diospa testigonkuna

Rimaynikita akllay Quechua (Ayacucho)

Santiago 3:1-18

  • Qallunchikta mana pipas controlay atisqanmanta (1-12)

    • Manam llapallankuchu yachachiqqa kananku (1)

  • Hanaq pachamanta hamuq yachaymanta (13-18)

3  Wawqi-panillaykuna, amayá llapallaykichikchu yachachiqqa kaychik. Yachasqaykichikpi hinapas yachachiqkunaqa aswan juzgasqam kasunchik.  Llapallanchikmi sapa kuti pantanchik. Pipas rimaspan mana pantaq runaqa mana huchayuqmi, chayna runaqa tukuy cuerpontapas controlanmanmi.  Piensariychikyá: Kasuwananchikpaq caballota hakimaruspaqa enteron cuerpontapas manejanchikmi.  Buquekunatapas maynaña hatun kaptinpas hinaspa llumpay wayraña apaptinpas taksa timonchawanmi runaqa munasqan lawman apan.  Chaynallataqmi qallunchikpas cuerponchikpiqa taksachalla, ichaqa qallunchikwanmi imamantañapas alabakunchik. Hinaspapas nina tisullam* maynaña montetapas ruparunman.  Qallunchikqa nina hinam, cuerponchikpa llapallan partenkunamantaqa qallunchikmi tukuy mana allinkunawan huntasqa kachkan, qallunchikqa enteron cuerponchiktam huchallichin, runapa imayna kawsakusqantapas yanqacharunmanmi, chaymantapas gehena* nisqa hinam imatapas chinkarachinman.  Runaqa mansanmi tukuy rikchaq purun animaltapas, alton pawaqkunatapas, qasqunpa puriqkunatapas hinaspa lamar quchapi kawsaqkunatapas,  qalluntam ichaqa mana pipas controlayta atinmanchu. Qalluqa pipapas mana controlay atinan mana allinmi, qalluqa kachkan wañuchikuq venenowan huntasqam.  Qallunchikwanmi taytanchik Jehova* Diosta hatunchanchik, qallunchikwantaqmi “Diosman rikchakuq unanchasqa runakunatapas ñakanchik”. 10  Simillanchikwanmi ñakanchikpas hinaspa bendecinchikpas. Wawqi-panillaykuna, imakunapas chayna kasqanqa manam allinchu. 11  ¿Yaqachum huk pukyullamanta miski yakuwan qatqi yaku tuqyamunman? 12  Wawqi-panillaykuna, ¿yaqachum higos sachaqa aceitunasta rurunman, utaq uvaspas higosta rurunman? Manamá. Manataqmi puchqu yaku tuqyamuq pukyullamantaqa miski yakuqa tuqyamunmanchu. 13  Qamkuna ukupi yachayniyuq hinaspa allin entiendeq runa kaspaqa, allin kawsakusqanwanyá qawachichun llampu sunqulla imapas ruwaq kasqanta, yachayniyuq kaspanmi llampu sunquqa. 14  Sichum sunquykichikpi kanqa sientichinakuykuna hinaspa liryanakuykuna* hinaptinqa, amayá hatun tukuychikchu yachayniyuq kasqaykichikmantaqa, chaynata ruwaspaqa chiqap kaqpa contranpim llullakuchkankichik. 15  Chayna kayqa manam hanaq pachamanta hamuq yachaychu, aswanqa kay pachamantam, aychapa munayninmantam hinaspa demoniokunamantam. 16  Sientichinakuykuna hinaspa liryanakuykuna* kaptinqa, kanqam chaqwa ruwaykuna hinaspa tukuy mana allin ruwaykuna. 17  Hanaq pachamanta hamuq yachayman hina kawsaqkunam ichaqa kanku: Chuya, hawka kawsakuqkuna, entiendeqkuna, chaylla kasukuqkuna, llakipayakuqkuna, tukuy imapi allin kaqta ruwaqkuna, mana pimanpas sayapakuqkuna hinaspa mana iskay uya kaqkuna. 18  Runamasinwan hawka kawsakuqkunaqa hawkayay kananpaqmi yanapakunku, chaynapim paykunaqa allin ruwaykunata ruwanku.

Willakuykuna

Utaq: “Ninapa chispachallanmi”.
Chayqa karqa Jerusalenpa hawa lawninpi basura kañananku sitiom. Qawaytaq: Palabrakuna entiendenapaq listata.
Qaway: Palabrakuna entiendenapaq listata.
Ninmanpaschá: “Kikillanpaq munaykuna”, nispapas.
Ninmanpaschá: “Kikillanpaq munaykuna”, nispapas.