Yachachikuypa kasqanman rinapaq

Yachachikuyman rinapaq

Jehova Diospa testigonkuna

Rimaynikita akllay Quechua (Ayacucho)

Mateo 1:1-25

  • Jesuspa abuelonkunamanta (1-17)

  • Jesuspa nacesqanmanta (18-25)

1  Cristowan* sutichasqa Jesusmanta* willakuq libro, Jesusqa karqa Davidpa hinaspa Abrahanpa churinmi:   Abrahanmi karqa Isaacpa taytan,Isaacñataqmi karqa Jacobpa taytan,Jacobñataqmi karqa Judapa hinaspa wawqinkunapa taytan,   Judañataqmi karqa Perezpa hinaspa Zerahpa taytan,Perezpawan Zerahpa mamanñataqmi karqa Tamar,Perezñataqmi karqa Hezronpa taytan, Hezronñataqmi karqa Rampa taytan,   Ramñataqmi karqa Aminadabpa taytan,Aminadabñataqmi karqa Nahsonpa taytan,Nahsonñataqmi karqa Salmonpa taytan,   Salmonñataqmi karqa Boazpa taytan, Boazpa mamanñataqmi karqa Rahab,Boazñataqmi karqa Obedpa taytan, Obedpa mamanñataqmi karqa Rut,Obedñataqmi karqa Jeseypa taytan,   Jeseyñataqmi karqa kamachiq Davidpa taytan,Davidñataqmi karqa Salomonpa taytan, Salomonpa mamanñataqmi karqa Uriaspa warmin,   Salomonñataqmi karqa Rehoboampa taytan,Rehoboamñataqmi karqa Abiaspa taytan,Abiasñataqmi karqa Asapa taytan,   Asañataqmi karqa Jehosafatpa taytan,Jehosafatñataqmi karqa Jehorampa taytan,Jehoramñataqmi karqa Uziaspa taytan,   Uziasñataqmi karqa Jotanpa taytan,Jotanñataqmi karqa Ahazpa taytan,Ahazñataqmi karqa Ezequiaspa taytan, 10  Ezequiasñataqmi karqa Manasespa taytan,Manasesñataqmi karqa Amonpa taytan,Amonñataqmi karqa Josiaspa taytan, 11  Josiasñataqmi karqa Jeconiaspa hinaspa wawqinkunapa taytan, Babiloniaman qarqusqa kasqanku tiempopi. 12  Babiloniapi kasqanku tiempopiñataqmi Jeconias karqa Sealtielpa taytan,Sealtielñataqmi karqa Zorobabelpa taytan, 13  Zorobabelñataqmi karqa Abiudpa taytan,Abiudñataqmi karqa Eliaquimpa taytan,Eliaquimñataqmi karqa Azorpa taytan, 14  Azorñataqmi karqa Sadocpa taytan,Sadocñataqmi karqa Aquimpa taytan,Aquimñataqmi karqa Eliudpa taytan, 15  Eliudñataqmi karqa Eleazarpa taytan,Eleazarñataqmi karqa Mattanpa taytan,Mattanñataqmi karqa Jacobpa taytan, 16  Jacobñataqmi karqa Joseypa taytan, Joseyqa karqa Mariapa qusanmi, Mariañataqmi wachakurqa Jesusta, payqa Cristom*. 17  Abrahanmanta Davidkamam lliw miraykuna karqa chunka tawayuq, Davidpa tiemponmanta Babiloniaman qarqusqa kasqanku tiempokamapas chunka tawayuqmi karqa, chunka tawayuqtaqmi karqa Babiloniaman qarqusqa kasqankumanta Cristopa tiemponkamapas. 18  Jesucristopa nacesqanqa kaynam karqa: Maman Mariam Joseywan casarakunanpaq rimapayasqaña karqa, ichaqa manaraq kuska kachkaptinkum Mariaqa chuya espiritupa* atiyninwan wiksayakururqa. 19  Ichaqa qusan Joseymi allin ruwaq runa kasqanrayku hinaspa pinqaypi Mariata mana churayta munasqanrayku divorciakuyta* munarqa mana pipa yachasqallan. 20  Chaymi tukuy kaykunamanta yuyaymanaruptin, Jehova* Diospa angelnin musquyninpi rikuriykuspan nirqa: “Davidpa churin Josey, ama manchakuychu warmiki Mariata wasikiman pusaytaqa, payqa wiksayakurun chuya espiritupa atiyninwanmi. 21  Qari wawatam wachakunqa, hinaptinmi sutichanki Jesuswan*, paymi runankunata salvanqa huchankumanta”, nispa. 22  Tukuy kaykunaqa pasakurqa Jehova Diospa rimasqan cumplikunanpaqmi, paymi willakuqninwan* willachirqa: 23  “Sipasmi* wiksayakuspan wachakunqa qari wawata hinaptinmi Enmanuel nispa sutichanqaku”, nispa. Chayqa: “Diosmi ñuqanchikwan kachkan”, ninanmi. 24  Hinaptinmi Joseyqa puñusqanmanta rikchariruspan, Jehova Diospa angelninpa kamachisqanman hina Mariata wasinman pusarqa. 25  Ichaqa manam paywanqa puñurqachu wawata wachakunankama, chay wawatam Jesuswan suticharqa.

Willakuykuna

Utaq: “Mesias (akllasqa)”. Qawaytaq: Palabrakuna entiendenapaq listata.
Utaq: “Jesuspa abuelonkunamanta”.
Qaway: Palabrakuna entiendenapaq listata.
Utaq: “Diospa atiyninpa”. Qawaytaq: Palabrakuna entiendenapaq listata.
Judiokunapa costumbrenman hinaqa pipas rimapayasqanwan manaña casarakunanpaqqa divorciakunanmi karqa.
Kaypim Diospa sutinqa puntata rikurin, Mateomanta Apocalipsis librokamam 237 kutita rikurin. Qawaytaq: Palabrakuna entiendenapaq listata.
Hebreo rimaypim Jesua utaq Josuey nin, chayqa: “Salvaqninchikqa Jehova Diosmi”, ninanmi.
Utaq: “Profetanwan”. Qawaytaq: Palabrakuna entiendenapaq listata.
Griego rimaypiqa rimachkan qariwan manaraq kaq warmimantam.