Yachachikuypa kasqanman rinapaq

Yachachikuyman rinapaq

Jehova Diospa testigonkuna

Rimaynikita akllay Quechua (Ayacucho)

Lucas 4:1-44

  • Jesusta diablo tentasqanmanta (1-13)

  • Galilea lawpi Jesuspa willakuy qallarisqanmanta (14, 15)

  • Nazaret llaqtapi Jesusta mana chaskisqankumanta (16-30)

  • Capernaum llaqtapi yupaychananku wasipi Jesus kasqanmanta (31-37)

  • Simonpa suegranta hinaspa hukkunatapas sanoyachisqanmanta (38-41)

  • Jesusta chunniqpi runakuna tarisqankumanta (42-44)

4  Chaymantañataqmi Jesusqa chuya espiritupa* huntasqan Jordan mayumanta pasakurqa, hinaptinmi espiritu kayman-wakman chunniqpi pusarqa  tawa chunka punchaw, chaypim diablo tentarqa. Chay punchawkunapiqa manam imatapas mikurqachu, chaymi tawa chunka punchaw pasaruptin yarqarurqa.  Hinaptinmi diablo nirqa: “Diospa churin kaspaykiqa kay rumitayá niykuy tantayarunanpaq”, nispa.  Hinaptinmi Jesusñataq nirqa: “Qillqasqam kachkan: ‘Runaqa manam tantallawanchu kawsanan’”, nispa.  Chaymantam diabloqa urquman pusarurqa hinaspam ratochalla qawachirqa kay pachapi llapallan gobiernokunata.  Hinaspam nirqa: “Tukuy kay gobiernokunata chaynataq sumaq kayninkunatam qusqayki ñuqaman quwasqa kasqanrayku, ñuqaqa munasqaymanmi pimanpas quyman.  Chaymi ñawpaqniypi huk kutillatapas yupaychawaptikiqa tukuy kaykunata qusqayki”, nispa.  Hinaptinmi Jesus nirqa: “Qillqasqam kachkan: ‘Jehova* Diosllaykitam yupaychanaykiqa, payllatataqmi servinaykipas’”, nispa.  Chaymantapas Jerusalenmanmi pusarurqa, hinaspanmi templopa hawan pirqanpi sayaykachispan nirqa: “Diospa churin kaspaykiqa kaymantayá ukuman pawaykuy, 10  qillqasqam kachkan: ‘Angelninkunatam kamachimunqa qamta amparaykusunaykipaq, 11  hinaptinmi makinkuwan hapisunki chakikita rumiman mana takakunaykipaq’”, niq. 12  Jesusñataqmi nirqa: “Qillqasqam kachkan: ‘Amam Jehova Diosnikitaqa pruebaman churankichu’”, nispa. 13  Chaykunawan tentaruspanmi diabloqa saqiruspan pasakurqa huk kutikama. 14  Chaymantam Jesusqa Galileaman kutirqa Diospa espiritunpa huntasqan, chay lawpim Jesusmanta allinkuna rimasqanku lliwman chiqirurqa. 15  Chaymantapas Jesusqa yachachirqam paykunapa yupaychananku wasikunapi*, llapallankutaqmi paymanta allinta rimaqku. 16  Wiñasqan Nazaret llaqtaman kutiruspanmi sabado punchawpi costumbrenman hina, yupaychana wasiman yaykurqa hinaspam leenanpaq sayariykuptin 17  qurqaku Diosmanta willakuq* Isaiaspa qillqasqan wankusqa qillqata, chaymi kichaykuspan tarirurqa kayna qillqasqata: 18  “Jehova Diospa espiritunmi ñuqapi kachkan, paymi akllawarqa wakchakunaman sumaq willakuyta willakunaypaq. Kachamuwarqam presochasqakuna librasqa kananmanta hinaspa ñawsakuna qawakunanmanta willakunaypaq. Kachamuwarqataqmi ñakarichisqa kaqkunatapas libranaypaq, 19  chaynallataq Jehova Diospa favorninta tarinapaq tiempomanta willakunaypaqpas”, niqta. 20  Leeruspanmi chay qillqata wankuykuspan haywaqninman quykapurqa, hinaspam tiyaykurqa hinaptinmi yupaychana wasipi llapallan runakuna payta qawarayarqaku. 21  Chaymi paykunata nirqa: “Kay uyarisqaykichik rimaykunam kunan punchaw cumplikurun”, nispa. 22  Llapallankum paymanta allinta rimaqku, hinaspam suma-sumaqllataña rimasqanwan admirakuspanku nirqaku: “Payqa Joseypa churinmi, ¿aw?”, nispanku. 23  Chaymi paykunata nirqa: “Nisqankupi hinachá niwankichik: ‘Yaw hampiq runa kikikiraqyá hampikaramuy. Capernaum llaqtapi ruwasqaykikunamanta uyarisqaykutayá kay llaqtaykipipas ruway’”, nispa. 24  Nirqataqmi: “Chiqaptapunim nikichik: Manam pipas Diosmanta willakuqqa* kikinpa llaqtanpiqa allin chaskisqachu. 25  Willasqaykichikyá: Eliaspa tiemponpim Israel nacionpi achka viudakuna karqa. Chay tiempopiqa kimsa wata parten para mana kaptinmi enteron allpapi muchuy karurqa. 26  Chayna kaptinpas Eliasqa manamá chay viudakunamanchu kachasqaqa karqa, aswanqa Sidon lawpi Sarepta llaqtayuq viudallamanmi. 27  Diosmanta willakuq* Eliseopa tiemponpipas Israel nacionpiqa karqataqmi lepra unquyniyuq achka runakunapas, ichaqa manam mayqinninkupas sanoyachisqachu karqaku, aswanqa Siria lawmanta Naaman sutiyuq runallam”, nispa. 28  Hinaptinmi yupaychana wasipi chayta uyariqkuna llapallanku anchallataña piñakururqaku, 29  hinaspam hatariruspanku llaqtamanta utqayman* hurquruspanku, urqupa puntanman pusarurqaku chaymanta uray sinqanpata tanqaykunankupaq. Chay urqupim karqa chay llaqtankuqa. 30  Jesusmi ichaqa paykunamanta lluptiruspan pasakurqa. 31  Chaymantam Galilea lawpi Capernaum llaqtaman uraykurqa, hinaspam sabado punchawpi yachachichkarqa. 32  Hinaptinmi imayna yachachisqanwan admirasqallaña karqaku rimasqanqa Diosmanta kasqanrayku. 33  Yupaychana wasipiñataqmi kachkarqa mana allin espirituyuq utaq demonioyuq runa, paymi simin huntata qaparispan nirqa: 34  “¿Imatataq ñuqaykuwan munanki Nazaretmanta Jesus? ¿Wañuchiqniykuchu hamurqanki? Yachanipunim pim kasqaykitaqa, qamqa kanki Diospa kachamusqanmi”, nispa. 35  Jesusmi ichaqa qaqchaspan nirqa: “¡Upallay hinaspa paymanta lluqsiy!”, nispan. Hinaptinmi runakunapa chawpinpi chay runata kuchparuspanpas demonioqa mana imanaspallan lluqsirurqa. 36  Chaymi llapallanku admirakuspanku ninakurqaku: “¿Ima ninantaq kay rimayqa? Atiywan hinaspa kallpawanmi mana allin espiritukunatapas kamachin hinaptinmi lluqsinku”, nispa. 37  Chaymi paymanta rimarqaku tukuy chay lawkunapi. 38  Yupaychana wasimanta lluqsiruspanmi Simonpa wasinman yaykururqa. Chaypim Simonpa suegranqa nina hinaña fiebrewan ñakarichkarqa, chaymi chaypi kaqkuna valekurqaku yanapaykunanpaq. 39  Jesusñataqmi asuykuspan fiebrenmanta sanoyaykachirqa chaymi fiebrenqa chinkarurqa. Hinaptinmi Simonpa suegranqa chaylla hatariruspan paykuna atiendeytaña qallaykurqa. 40  Ichaqa inti siqaykuchkaptinmi llapa runakuna Jesusman pusarqaku tukuy rikchaq unquykunawan ñakariqkunata. Payñataqmi makinta sapakamaman churaykuspan paykunata sanoyaykachirqa. 41  Achka runakunamantam demoniokunapas qaparispanku lluqsiqku: “Qamqa Diospa churinmi kanki”, nispanku. Jesusmi ichaqa Cristo* kasqanta yachasqankurayku qaqchaspan rimanankutapas mana munarqachu. 42  Achikyaramuptinñataqmi chunniqman rirqa. Runakunañataqmi maskaspanku maymi kasqanman chayarurqaku, hinaspam nirqaku paykunawan qipakunanpaq. 43  Paymi ichaqa nirqa: “Huk law llaqtakunapipas Diospa munaychakuyninmanta* sumaq willakuytaqa willakunaymi, chaypaqmi ñuqataqa kachamuwarqa”, nispa. 44  Hinaspam Judea lawpi yupaychana wasikunapi hinalla willakustin purirqa.

Willakuykuna

Utaq: “Diospa atiyninpa”. Qawaytaq: Palabrakuna entiendenapaq listata.
Qaway: Palabrakuna entiendenapaq listata.
Kaypiqa nichkan: “Sinagoga”, nispam. Qawaytaq: Palabrakuna entiendenapaq listata.
Utaq: “Profeta”. Qawaytaq: Palabrakuna entiendenapaq listata.
Utaq: “Profetaqa”.
Utaq: “Profeta”.
Utaq: “Apurawman”.
Qaway: Palabrakuna entiendenapaq listata.
Utaq: “Gobiernonmanta”. Qawaytaq: Palabrakuna entiendenapaq listata.