Yachachikuypa kasqanman rinapaq

Yachachikuyman rinapaq

Jehova Diospa testigonkuna

Rimaynikita akllay Quechua (Ayacucho)

Hebreos 5:1-14

  • Sacerdotekunapa jefenmanta aswan atiyniyuq Jesus kasqanmanta (1-10)

    • Melquisedec hina kasqanmanta (6, 10)

    • Ñakarisqankunawan kasukuy yachasqanmanta (8)

    • Wiñaypaq salvaq kasqanmanta (9)

  • Dios serviypi lechellawanraq mana kanamanta (11-14)

5  Sacerdotekunapa jefen kananpaq akllasqa runaqa churasqam kachkan Dios yupaychayninkupi runakunata yanapananpaq, payqa kachkan runakunapa huchanmanta ofrendakunata hinaspa animalkunata wañuchispan Diosman qunanpaqmi.  Sacerdotekunapa jefenqa paypas pantaq kasqanraykum mana yachaqkunata hinaspa pantaq runakunata llakipayarinman,  chaymi payqa kikinpa huchanmantapas ofrendata qunan, imaynam llaqtapi runakunapa huchanmanta ofrendata qusqanman hina.  Manam pipas kikillanmantaqa sacerdotekunapa jefen kananpaq hatunchasqaqa kanmanchu, aswanqa Aaron hina Diospa qayasqan kaqkunallam.  Cristopas manam kikillanchu hatunchakurqa sacerdotekunapa jefen kananpaqqa, aswanqa Diospa hatunchasqanmi karqa, Diosmi nirqa: “Qanmi churiy kanki, kunanmi ñuqa taytayki kani”, nispa.  Huk partepipas nichkanmi: “Qamqa kanki Melquisedec hina wiñaypaq sacerdotem”, nispa.  Cristoqa kay pachapi kachkaspanmi kallpawan waqaspan wañuymanta libraqnin Diosta mañakurqa hinaspa ruegakurqa, chaymi Diosta respetasqanrayku uyarisqa karqa.  Churi kachkaspanpas ñakarisqankunawanmi kasukuq kayta yacharqa.  Chaykunawan tukuy imapi kasukuyta yacharuspanmi llapallan kasukuqninkunapaq rikurirun wiñaypaq salvaqnin, 10  paytaqa Diosmi churarun Melquisedec hina sacerdotekunapa jefen kananpaq. 11  Cristomantaqa achkaraqmi willanayku kachkan, ichaqa sasa yachachiymi mana chaylla entiendeq rikurirusqaykichikrayku. 12  Kunankamaqa yachachiqña kanaykichik kachkaptinpas, Diosmanta qallariypi yachasqaykichikkunatam qallariymantapacha huktawan yachachinaraq kachkankichik. Qamkunaqa kaqllamantam lechellamantaraq kachkankichik, manaraqmi mikuyta mikunaykichikpaq hinaraqchu kankichik. 13  Lechellawanraq kaqkunaqa wawallaraq kasqankuraykum manaraq yachankuchu allin ruwaykunamanta yachachikuyninkunataqa. 14  Mikuyqa yuyayniyuqkunapaqmi, paykunaqa tanteay atiq kasqankutam sapa kuti servichikunku, chaymi chay tanteay atisqankuqa listo kachkan allin kaqtapas hinaspa mana allin kaqtapas riqsichinanpaq.

Willakuykuna