Yachachikuypa kasqanman rinapaq

Yachachikuyman rinapaq

Jehova Diospa testigonkuna

Rimaynikita akllay Quechua (Ayacucho)

Apocalipsis 11:1-19

  • Iskay testigokunamanta (1-13)

    • 1.260 punchaw rakta yana telawan tapakuykuspa willakusqankumanta (3)

    • Iskay testigokunata wañurachispa mana pampasqata saqirusqankumanta (7-10)

    • Kimsa punchaw partenmanta kawsarichisqa kasqankumanta (11, 12)

  • Iskay kaq ñakariy pasaruptin kimsa kaq ñakariyraq kananmanta (14)

  • Qanchis kaq cornetillamanta (15-19)

    • Diosña hinaspa Cristoña kamachisqanmanta (15)

    • Kay pachata purmachiqkuna chinkachisqa kanankumanta (18)

11  Chaymantam chaskirqani kaspi hina suqusta*, hinaspaymi uyarirqani: “Hatarispayá tupuy Diospa templonta, altarta hinaspa chaypi yupaychaqkunatapas.  Diospa templonmanta hawapi kaq patiota ichaqa ama tupuychu, aswanqa saqiruy. Chay patioqa huk law nacionniyuqkunaman qusqam kachkan, paykunam chuya llaqtata sarutyanqaku tawa chunka iskayniyuq killa.  Ñuqam iskay testigoykunata kamachisaq waranqa iskay pachak suqta chunkan punchaw rakta yana telawan* pachakuykuspanku willakunankupaq”, niqta.  Chay iskay testigokunaqa iskay aceitunas sachakunawanmi hinaspa iskay candelabrokunawanmi* tupachisqa kachkanku, paykunaqa sayachkanku llapa runapa señorninpa ñawpaqninpim.  Pipas paykunata mana allinta ruwayta munaptinmi, paykunapa siminmanta nina lluqsiramuspan enemigonkunata ruparun, pipas paykunata mana allinta ruway munaqqa chaynam wañunqa.  Paykunaqa atiyniyuqmi kanku cielotapas wichqarunankupaq hinaptin willakusqanku punchawkuna mana paramunanpaq, atiyniyuqtaqmi kanku yakuta yawaryarachinankupaqpas, chaynataq kay pachapi hayka kutikamapas tukuy rikchaq mana allinkunata ruwanankupaqpas.  Chay iskay testigokuna willakuyta tukuruptinkum chinkaykuq uku-uku uchkumanta lluqsimuq manchakuypaq animalqa paykunapa contranpi guerrata ruwanqa hinaspam paykunata venceruspan wañurachinqa.  Hinaptinmi chay iskay testigokunapa ayankupas riqsisqa suma-sumaq llaqtapa hatun ñanninpi chutarayanqa, chay llaqtapim paykunapa señorninpas qirupi* warkusqa karqa. Chay llaqtaqa tupachisqam kachkan Sodomawan hinaspa Egiptowan.  Chaymi llaqtakunamanta, castakunamanta, tukuy rikchaq rimayniyuqkunamanta hinaspa nacionkunamanta runakuna chay iskay willakuqkunapa ayanta kimsa punchaw parten qawanqaku, hinaspam pampanankuta harkakunqaku. 10  Hinaptinmi paykuna wañurusqanmantaqa kay pachapi yachaqkuna* kusikunqaku, hinaspapas regalokunatam apachinakunqaku. Diosmanta chay iskay willakuqkunaqariki* kay pachapi yachaqkunatam ñakarichirqa. 11  Kimsa punchaw partenmantañataqmi kawsachikuq samayta Dios quykuptin kawsariruspa sayarirurqaku, chaymi rikuqninkunaqa anchallataña mancharikurqaku. 12  Chay willakuqkunam uyarirurqaku hanaq pachamanta kallpawan rimamuqta, nirqam: “Kayman qispimuychik”, nispa. Chaymi paykunaqa enemigonkuna qawachkaptin puyupi hanaq pachaman qispirurqaku. 13  Hinaptinmi chaylla nisyu-nisyu terremoto karuptin llaqtapa huk law parten* tuñirurqa. Chay terremotowanmi qanchis waranqa runakuna wañururqaku, wakinñataqmi anchallataña mancharikuspanku hanaq pacha Diosta hatuncharqaku. 14  Iskay kaq ñakariymi pasarunña. Kimsa kaq ñakariypas chayllam hamuchkan. 15  Qanchis kaq angel cornetillanta waqaykachiptinñataqmi hanaq pachapi kallpawan qayakuykuna uyarikurqa, chay qayakuyqa nirqam: “Kay pachapi runakunataqa Diosninchikñam hinaspa Cristoñam* kamachichkan. Diosñam kamachinqa wiña-wiñaypaq”, nispa. 16  Hinaptinmi Diospa qayllanpi kamachinapaq tiyanapi* tiyaq iskay chunka tawayuq kamachiqkuna* qunquranpa kumuykuspanku Diosta yupaycharqaku, 17  hinaspam kaynata nirqaku: “Tukuy atiyniyuq Jehova* Diosllayku, graciastam quykiku. Qanmi kanki ñawpaq kaqpas hinaspa kunan kaqpas, qamqa hatun atiynikiwanmi kamachichkankiña. 18  Nacionkunam ichaqa piñakurunku, qampas piñakurunkim, chayaramuntaqmi wañusqakuna juzgasqa kananpaq akllasqa tiempo, chaynataq qanmanta willakuq* servisuqnikikunaman, runaykikunaman hinaspa sutiki respetaq riqsisqa kaqman chaynataq mana riqsisqa kaqmanpas pagonta qunaykipaq, chayaramuntaqmi tiempo kay pacha purmachiqkunata chinkachinaykipaqpas”, nispa. 19  Hinaptinmi Diospa templon hanaq pachapi kichakuykurqa, chay templopim kachkasqa acuerdo* ruwanan baulpas. Hinaptinmi karurqa llipyaykuna, qapariykuna hinaspa parapa tunrururuyninkunapas. Karqataqmi terremotowan llumpa-llumpay runtu parapas.

Willakuykuna

Utaq: “Tupunapaq kaspita”.
Kayna telawanmi llakipi tarikuspanku churakuqku.
Utaq: “Achki ratachinakunawanmi”.
Utaq: “Kaspipi”. Qawaytaq: Palabrakuna entiendenapaq listata.
Utaq: “Tiyaqkuna”.
Utaq: “Profetakunaqariki”. Qawaytaq: Palabrakuna entiendenapaq listata.
Kaypiqa nichkan: “Sapa chunkamanta huknin parte”, nispam.
Utaq: “Akllasqa runañam”. Qawaytaq: Palabrakuna entiendenapaq listata.
Utaq: “Tronopi”.
Utaq: “Ancianokuna”. Qawaytaq: Palabrakuna entiendenapaq listata.
Qaway: Palabrakuna entiendenapaq listata.
Utaq: “Profeta”.
Utaq: “Contrato”. Qawaytaq: Palabrakuna entiendenapaq listata.