Yachachikuypa kasqanman rinapaq

Yachachikuyman rinapaq

Jehova Diospa testigonkuna

Rimaynikita akllay Quechua (Ayacucho)

2 Corintios 4:1-18

  • Sumaq willakuypa kanchariyninmanta (1-6)

    • Mana iñiq runakunapa yuyaynin tutayasqa kasqanmanta (4)

  • Mitumanta ruwasqa vasokunapi qurimanta (7-18)

4  Chaynaqa Diosmi llakipayawaspanku kay ruwayta quwarqaku, chaymi qipamanqa mana kutinikuchu.  Aswanmi saqirunikuña pakasqallapi pinqaypaq ruwaykunata, manataqmi pitapas engañastinchu purichkaniku nitaqmi Diospa palabrantapas qiwinikuchu, aswanqa chiqap yachachikuyta willakuspaykum Diospa qayllanpi riqsichikuniku llapa runakunaman*.  Chaymantapas sumaq willakuymanta willakusqayku pakasqa kaspanqa, wañuypaq kaq runakunapaqmi pakasqa kachkan.  Kay mana iñiq runakunapa yuyayninkutam kay pachapa diosnin tutayarachin, chaynapi Cristomanta kancharichkaq sumaq willakuy paykunata mana kancharinanpaq. Cristoqa Diospa rikchayninmi.  Ñuqaykuqa willakuchkaniku manam kikiykumantachu aswanqa Jesucristo señor kasqanmantam, chaymantapas willakuchkanikum Jesusrayku qamkunapa sirvientekichik kasqaykumanta.  Diosmi nirqa: “Tutayaymantayá achki kancharichun”, nispa. Paymi kancharichkaq yachayninwan Cristopa uyantakama sunquykuta kanchaykun.  Kay sumaq llamkay ruwasqaykuqa mitumanta ruwasqa vasopi quri hinam ñuqaykupi kachkan, chaynaqa kachkan runakunapa mana haypay atisqan hatu-hatun atiy chaskisqaykuta qawachinaykupaqmi, chay atiyqa manam ñuqaykumantachu hamun aswanqa Diosmantam.  Kay lawmanta-wak lawmanta imaymana sasachakuykuna hamuspanpas manam ñitiruwankuchu mana kuyurinapaq hinaqa, manataqmi iskayrayaspaykupas pasaypaqchu hukmanyaruniku,  qatikachasqa kaspaykupas manam qunqasqachu kaniku, llumpay ñakarichisqa kaspaykupas manam wañurunikuchu. 10  Jesus hinam wañuypa patanpi tarikuniku, chaytam tukuy tiempo aguantaniku, chaynapi cuerpoykupi Jesuspa kawsakusqanpas qawachisqa kananpaq. 11  Kawsakuyniykupim ñuqaykuqa Jesusrayku sapa punchaw wañuypa patanpi kaniku, chaynapi wañuruqlla cuerpoykupi Jesuspa kawsakuynin qawachisqa kananpaq. 12  Ñuqaykuqa wañuypa patanpim kachkaniku, qamkunam ichaqa kawsakuyta tarinkichik. 13  Qillqasqam kachkan: “Iñirqanim chaymi rimarqani”, niq. Ñuqaykupas chayna iñiyniyuq kasqaykutam qawachiniku, chaymi rimaniku. 14  Ñuqaykuqa yachanikum Jesusta kawsarichiq ñuqaykutapas payta hina kawsarichiwanankuta hinaspam qamkunawan kuskata Jesuspa ñawpaqninman pusawanqaku. 15  Tukuy chaykunaqa qamkunapa allinnikichikpaqmi, chaynapi aswan achka runakunaraq Diospa ancha kuyakuyninta chaskinankupaq, achka runakunamiki Diosta agradecekuspanku hatunchachkanku. 16  Chaymi mana hukmanyanchikchu, cuerponchik machuyaptinpas imayna kasqanchikqa aswanmi sapa punchaw musuqyachkan. 17  Llumpay ñakariykunaqa tukuruqllam hinaspapas pisillam, chayna kaptinpas chay ñakariykunaraykum premiota chaskisun, chay premioqa ancha hatunmi hinaspapas wiña-wiñaypaqmi. 18  Ñuqanchikqa mana iskayrayaspam suyachkanchik ñawinchikpa mana rikusqan kaqkunata, manam rikusqanchik kaqkunatachu. Rikusqanchik kaqkunaqa manam unaypaqchu, mana rikusqanchik kaqkunam ichaqa wiña-wiñaypaq.

Willakuykuna

Kaypiqa nichkan: “Runakunapa conciencianman”, nispam.