Yachachikuypa kasqanman rinapaq

Yachachikuyman rinapaq

Jehova Diospa testigonkuna

Rimaynikita akllay Quechua (Ayacucho)

1 Timoteo 2:1-15

  • Llapallan runakunapaq Diosta mañakunamanta (1-7)

    • Diosqa huklla kasqanmanta hinaspa runakunata Dioswan allinyanachiqpas huklla kasqanmanta (5)

    • Llapallanchik librasqa kananchikpaq Cristopa entregakusqanmanta (6)

  • Qarikunapaq hinaspa warmikunapaq yachachikuykunamanta (8-15)

    • Respetanapaq hina allinta pachakunamanta (9, 10)

2  Imamantapas puntataqa kaytam nimuykichik, llapallan runakunapaqmi Diosta mañakunaykichik, qayakunaykichik, ruegakunaykichik hinaspa agradecekunaykichik.  Chaynallatataqmi ruwana lliw kamachikuqkunapaq hinaspa autoridadkunapaqpas, chaynapi tukuy sunquwan Diosta servispa chaynataq tukuy imata allinta ruwaspa allinlla hinaspa hawkalla kawsakunanchikpaq.  Chayqa allinpunim hinaspapas salvaqninchik Diospa munasqanman hinam.  Diosninchikqa munachkanmi tukuy rikchaq runakuna salvakunankuta hinaspa chiqap kaq yachachikuyta imam kaqta yachanankuta.  Hukllam Diosqa, hukllataqmi Dioswan runakuna acuerdopi kanankupaq yanapaqpas, chay yanapaqqa Cristo Jesusmi.  Paymi llapallanchikpa rantinchikpi kikinmanta entregakurqa librasqa kananchikpaq, kaykunamantaqa tiempollanpim willakuna.  Chaypaqmi Dios churawarqa willakuq kanaypaq, apostol kanaypaq, hinaspa huk law nacionniyuqkunapa yachachiqnin kanaypaq, paykunatam yachachini chiqap yachachikuymanta hinaspa iñiymanta. Ñuqaqa mana llullakuspaymi chiqapta rimachkani.  Ñuqam munachkani maypipas huñunakusqanku lawpi kaq qarikuna makinkuta huqarispanku Diosta hinalla mañakunankuta, chaytaqa ruwananku Diosman sunqu kaspankum, manam piñakuspachu nitaq atipanakuspachu.  Warmikunapas respetanapaq hinayá allinta pachakuchunku, allin yuyaywan hinaspa ama pitapas hukmanyachinankupaq hina, ama suma-sumaqta chukchanta simpapakuspachu nitaq llumpay precioyuq qurimanta utaq perlasmanta alhajakunawanchu nitaq llumpay precioyuq pachakunawanchu, 10  aswanqa Diospa munasqanman hina kawsaq warmikuna hinayá allichakuchunku, sumaqllaña kasqankuqa qawakunan allin kaqkuna ruwasqankupim. 11  Warmikunaqa yachachikuytayá upallalla uyarichunku, tukuy imapi kasukuspa. 12  Manam munanichu warmikuna huñunakuypi yachachinantaqa nitaq qarita kamachinantapas, aswanqa upallallayá kachun. 13  Puntataqariki Adanmi unanchasqa karqa, chaymantañam Evaqa. 14  Chaymantapas manam Adanchu engañasqaqa karqa, aswanqa warmim pasaypaq engañasqaqa karqa, chaywanmi mana kasukuq rikurirurqa. 15  Warmitaqa wawayuq kayninmi yanapanqa mana imamanpas wichiykunanpaq, ichaqa hinallam kallpanchakunan iñiyniyuq, kuyakuyniyuq hinaspa allin yuyayniyuq kananpaq, payqa chuyataqmi kananpas.

Willakuykuna