Yachachikuypa kasqanman rinapaq

Yachachikuyman rinapaq

Jehova Diospa testigonkuna

Rimaynikita akllay Quechua (Ayacucho)

1 Tesalonicenses 1:1-10

  • Qillqay qallarisqanmanta (1)

  • Tesalonica llaqtapi Diosta serviqkunapa iñisqankumanta Diosta agradecekusqan (2-10)

1  Ñuqa Pablom, Silvanowan* hinaspa Timoteowan Tesalonica llaqtapi iñiqkunaman* qillqamuykiku, qamkunaqa Dios taytawan hinaspa señor Jesucristowanmi huklla kachkankichik. Qamkunapaqyá kachun hawkayaypas chaynataq Diospa ancha kuyakuyninpas.  Diosta mañakuspaykum llapallaykichikmanta tukuy tiempo graciasta quniku,  ñuqaykuqa Dios taytanchikpa qayllanpim mana qunqanikuchu iñiynikichikman hina llamkasqaykichikta hinaspa Jesucristopi suyasqaykichikrayku tukuy ima aguantasqaykichiktapas.  Diospa kuyasqan wawqi-panillaykuna, ñuqaykuqa yachanikum Diospa akllasqan kasqaykichikta.  Qamkunaqariki sumaq willakuy willasqaykutaqa uyarirqankichik manam rimasqallaykuwanchu aswanqa chuya espiritupa* yanapakuyninwanmi, ñuqaykuqa manapunim iskayrayarqanikuchu qamkunaman willasqayku chiqap kasqanmantaqa, chaymantapas willasqaykuqa anchatam yanapasurqankichik. Qamkunaqa yachankichikmi allinnikichikpaq imayna kasqaykutapas.  Qamkunaqa ñuqaykuta hinaspa señorninchiktam qatipakuchkankichik, qamkunaqariki chuya espiritupa qusqan kusikuywanmi Diospa palabranta chaskikurqankichik llumpay sasachakuykunaña kachkaptinpas,  chaynapim qamkunaqa Macedonia lawpi hinaspa Acaya lawpi llapallan iñiqkunapa qatipakunanpaq hina karqankichik.  Qamkunaraykum Jehova* Diospa palabranmanta enteron Macedonia lawpi hinaspa Acaya lawpi uyarichkanku, chaymantapas iñisqaykichikmantam tukuy lawpi yacharunku, chaymi ñuqaykuqa manaña imatapas ninaykuñachu.  Paykunam willakuchkanku qamkunaman ñawpaqpi chayamusqaykumanta hinaspa taytacha-mamachakunata qipancharuspa Diosman kutirikuspaykichik kawsaq hinaspa chiqap Diostaña sirviente hina servisqaykichikmanta, 10  paykunaqa willakuchkankutaqmi Diospa churin hanaq pachamanta hamunanta suyasqaykichikmantapas, paytam Diosqa wañusqakunapa kasqanmanta kawsarichirqa, payqa Diospa hamuq piñakuyninmanta librawaqninchik Jesusmi.

Willakuykuna

Huknin sutinmi: “Silas”.
Utaq: “Congregacionman”. Qawaytaq: Palabrakuna entiendenapaq listata.
Utaq: “Diospa atiyninpa”. Qawaytaq: Palabrakuna entiendenapaq listata.
Qaway: Palabrakuna entiendenapaq listata.