Yachachikuypa kasqanman rinapaq

Yachachikuyman rinapaq

Jehova Diospa testigonkuna

Rimaynikita akllay Quechua (Ayacucho)

1 Corintios 5:1-13

  • Huchapakuy kasqanmanta (1-5)

  • Aslla levadura tanta ruwanapaq llapallan masata puquchisqanmanta (6-8)

  • Huchanmanta mana wanakuq runa qarqusqa kananmanta (9-13)

5  Uyarinim qamkuna ukupi huchapakuy* kasqanta, chayna huchapakuyqa manam kanchu huk law nacionniyuq runakunapipas: Huk kaqnikichikmi taytanpa warmillanwan kakuchkan.  ¿Chaykuna kachkaptinchu qamkunaqa alabakuchkankichikraq? Aswanqa, ¿manachu llakisqa kawaqchik? ¿Manachu chayta ruwaq runaqa qamkuna ukumanta qarqusqa kanan?  Ñuqaqa qamkunawan kuska mana kaspaypas pensamientoypim* qamkunawan kachkani, hinaspaymi chay hucha ruwaq runataqa qamkunawan kachkaymanpas hina juzgaruniña.  Señorninchik Jesuspa sutinpi huñunakuptikichik hinaspa ñuqapas señorpa atiyninwan pensamientoypi* qamkunawan kuska kaptiymi  qamkunaqa chay runata satanasman entreganaykichik, chaynapi aychapa munasqan ruway chinkachisqa kananpaq, hinaptin señorninchikpa punchawninpi iñiqkunapa* imayna piensasqanku allinlla kananpaq.  Manam allinchu alabakusqaykichikqa, ¿manachu yachankichik aslla levadurapas tanta ruwanapaq llapallan masata puquchisqanta?  Chay levadurayuq ñawpaq masata wischuychik, chaynapi pitusqa musuq masa kanaykichikpaq, chaynaqa kankichik mana levadurayuq kaspaykichikmi. Chiqaptapuniqa pascuapi* malta carneronchik Cristoqa ñam wañuchisqaña.  Chayraykuyá pascua fiestaman qatiq fiestataqa ama ruwasunchu ñawpaq levadurawanqa, amataqyá ruwasunchu hucha ruwachiq hinaspa mana allin ruwachiq levadurawanqa, aswanqa mana levadurayuq tantawanyá ruwasun, chayqariki chuya sunqu kaymi hinaspa chiqap kaymi.  Cartaypim qillqamurqaykichik huchapakuqkunawan amaña hukllawakunaykichikpaq. 10  Kaywanqa nichkaykichik manam kay pachapi huchapakuq runakunawan hinaspa imatapas llumpayta munapayaq runakunawan mana hukllawakunaykichiktachu, nitaq hukkunapa imanpas qichuqkunawan chaynataq taytacha-mamacha yupaychaqkunawan mana hukllawakunaykichiktachu. Chayna kaptinqariki kay pachapi runakunawanqa manañach kuskachu kawaqchik. 11  Kunanqa qillqamuchkaykichik “iñiqmi kani” nichkaspa huchapakuqkunawan ama hukllawakunaykichikpaqmi, amayá hukllawakuychikchu iñiqmi kani nichkaspa imatapas llumpayta munapayaqkunawanqa, taytacha-mamacha yupaychaqkunawanqa, runamasinta kamiqkunawanqa, sinkakuqkunawanqa nitaq hukkunapa imanpas qichuqkunawanpas, chayna runakunawanqa amayá mikuyllapas mikuychikchu. 12  Ñuqaqa manam hawapi runakunata juzganaypaqchu kachkani. ¿Manachu iñiqkunataqa qamkuna juzganaykichik? 13  ¿Manachu hawapi kaq runakunataqa Dios juzganan? “Chay mana allin runatayá qamkuna ukumanta qarquychik”.

Willakuykuna

Kayqa, qari kayninwan utaq warmi kayninwan millakuypaq kaqkunata ruwaymi. Qawaytaq: Palabrakuna entiendenapaq listata.
Kaypiqa nichkan: “Espirituypim”, nispam.
Kaypiqa nichkan: “Espirituypi”, nispam.
Utaq: “Congregacionpa”.
Qaway: Palabrakuna entiendenapaq listata.