Casado vidaykichikpi kusisqa kanaykichikpaqqa iskaynikichikmi imapaqpas tantianaykichik, manam kikillaykichikpiqa piensanaykichikchu.

BIBLIAPIM NIN: “Manam iskayñachu kanku, aswanqa huk aychallañam”, nispa (Mateo 19:6).

Cristofermi nin: “Casadokuna kusisqa kananpaqqa iskayninkum yanapanakunanku”, nispa.

Casado vidankupi iskayninku yanapanakuspankuqa ima sasachakuy kaptinpas mana piñanakuspankum allichanqaku.

Alexandram nin: “Casado vidapi yanapanakuyqa ancha allinmi, mana yanapanakuspaqa manam atichwanchu imatapas allinta tantiaytaqa hinaspapas mana riqsinakuq runakuna hinach kachwan”, nispa.

PIENSARIY KAYKUNAPI

• ¿Ganasqayki qullqiqa qamllapaqchu kanan?

• Qusaykiwan utaq warmichaykiwan kanaykimantaqa, ¿sapallayki kaytachu munanki?

• ¿Imaynataq kanki qusaykipa utaq warmichaykipa ayllunwan?

KAYMANTAM RIMAWAQCHIK

• ¿Ima ruwasqanchikpitaq allinta yanapanakunchik?

• ¿Imapitaq astawan kallpanchakunanchik?

• ¿Imaynatataq yanapanakuchwan kusisqa kawsakunapaq?

KAYKUNATAM RUWAWAQCHIK

• Warmichaykitaqa utaq qusaykitaqa amayá enemigoykita hinaqa qawaychu, aswanqa sasachakuykunapi yanapasuqnikita hinayá.

• Ima ruwaypipas mana acuerdopi kaspaykichikqa, amayá kikillaykichikpichu piensaychik.

Ethanmi nin: “Imapipas pantanakuruspaqa manam ninanchikchu ‘qampa huchaykiraykum kayna piñasqaqa kachkanchik’ nispaqa. Aswanqa kallpanchakunanchikmi ayllunchikpi hawkalla hinaspa kusisqa kananchikpaq”, nispa.

BIBLIAPIM NIN: “Amayá kikillaykichikpa allinnikichiktachu maskaychikqa aswanqa wakinnikichikpa allinnintayá”, nispa (Filipenses 2:3, 4).