YAQA llapallanchikmi ima hatun llakipipas qonqaymanta tarikunchik.

BIBLIAM NIN:

‘Manam apurawman kallpaqchu carrerapiqa ganan. Manam valeroso soldadochu guerrapiqa ganan. Mayna yachayniyoq runapaqpas pisinmanmi mikuyqa. Entiendeq runapaqpas pisinmanmi qori-qollqeqa. Yachaysapa runapaqpas pisinmanmi favorqa. [Ichaqa llapallankum qonqayllamanta ima llakipipas tarikunku, NM].’ (Eclesiastes 9:11.)

Kaypiqa yachasunchik manam ima hatun llakipi tarikunanchikmantachu, aswanqa ima llakipas pasawaptinchik imata ruwananmantam. Kaykunapi piensarisun:

• ¿Imatam ruwachwan ima desgraciapas tukuy kapuqninchikta yanqacharuptin?

• ¿Imatam ruwachwan mana hampiy atina onqoyniyoq kasqanchikmanta yacharuspa?

• ¿Imatam ruwachwan mayqen kuyasqa ayllunchikpas accidentepi wañukuptin?

Jehova Diospa testigonkunaqa seguropunim kanku chayna llakikuna sasachawaptinchikqa aguantanapaq chaynataq suyakuyniyoq kanapaq Biblia yanapasqanmanta (Romanos 15:4). Imayna yanapasqanmantayá qatiqninpi kimsa willakuykunawan yachasun.