Huk kaqninwan rimay. Tayta-mamaykiman willakuy llakisqa hinaspa hukmanyasqa kasqaykimanta, ichapas imapi tarikusqankumanta willasuptiki sunquyki tiyaykunman.

 Sichum paykuna yanapayta mana atisuptikiqa maskawaqmi allin yuyayniyuq riqsisqaykita, chaynapi imayna tarikusqaykimanta lliwta willakuptiki yanapasunaykipaq (Proverbios 17:17).

 Manataqmi qunqanaykichu hanaq pachapi taytaykiman imayna tarikusqaykimanta willakuytapas, payqa ‘mañakuqninkunata uyariqmi’ (Salmo 65:2). Jehova Diosqa anchatam kuyasunki, chaymi mana manchakunaykichu tukuymanta payman willakuytaqa (1 Pedro 5:7).

 Ama piñasqallaqa kaychu. Danielpa tayta-mamanmi 7 watanpi kachkaptin rakinakururqa, paymi nin: “Tayta-mamayqa kikillanpaq munaqmi karqaku. Manam ñuqaykupiqa piensarqakuchu nitaq rakinakusqanku llakichiwanankupiqa”, nispa.

 ¿Piñasqalla kaspanqa imapim Danielqa tukurunman? (Qaway Proverbios 29:22).

 Hukmanyasqa kaspanpas, ¿imanasqam Danielpaqa allin tayta-mamanta pampachaykuynin? (Qaway Efesios 4:31, 32).

 Tayta-mamayki rakinakurusqankuraykuqa ama mana allinkunataqa ruwaychu. Denis sutiyuq mozom nin: “Tayta mamay divorcianakuruptinkum llumpay llakisqallaña tarikurqani. Escuelapipas sasachakuykunamanmi wichiykurqani hinaspam huk wata lluqsikururqani. Ñuqam asikunapaq kaqkunata ruwaq karqani, hinaspapas yaqa lliwchawanmi maqanakuq karqani”, nispa

 ¿Escuelapi asikunapaq kaqkunata ruwaspanqa allintachu Denisqa ruwachkarqa?

 ¿Imaynatam Galatas 6:7 nisqanpi yachachikuy yanapanman Denis hina tarikuq wakin mozokunatapas?

 Llakisqallaña kasqanchikmantaqa pisi-pisimantam allinyanchik. Imapas allinyaptinmi allinña tarikunki.