Mashcaushca publicacionma ri

¿Huañushcaguna causarinungachu?

¿Huañushcaguna causarinungachu?

¿Can imara ningui . . .

  • . . . ari?

  • . . . mana?

  • . . . imachari?

 BIBLIA NINMI

“Huañushcauna causarinaungami” (Rashcauna [Hechos] 24:​15, Mushuj Pactachina Shimi).

CAITA YACHANAGA IMASNA YANAPAN

Aillu huañujpi mana yapacta llaquirishun (2 Corintios 1:​3, 4).

Huañunamanda mana manchashun (Hebreos 2:15).

Causarina punzhara tucui shunguhua chapashun (Juan 5:​28, 29).

 BIBLIA RIMASHCARA ¿IMARASHA QUIRINA ANCHI?

Ricushun:

  • Tucuiguna Yaya Diosmanda causanchi. Biblia ninmi: “Cai pachara raj Dios [...] tucuima causairas samairas tucui imaras cun” (Rashcauna [Hechos] 17:​24, 25; Salmo 36:9 Traducción del Nuevo Mundo, [NM]). Yaya Dios causaira cujmi an, chiraigu huañushcagunara, causaira cutillara cunara ushanmi.

  • Ñaupa timpu runagunara Yaya Dios causachica. Biblia ricuchinmi: Yaya Diosga rucugunara huahuagunaras cutillara causachica, huaquinguna huñushca ratulla causachishca anuca, randi shu runa chuscu punzha huañushca ashas causachishca tucuca (Juan 11:​39-44).

  • Dios ña munaunmi causachisha nisha. Jehová huañunara yapa chijninmi, chiraigu huañunara chingachigaj munanmi (1 Corintios 15:26). Huañushcagunara cutillara causachisha, Yaya Dios huañunara vinsingami. Tucui huañushcaguna causarishca huasha cai Allpai causanunga (Job 14:​14, 15, NM).

 ¿CANGA TAPURISHCANGUICHU?

¿Imarasha huañunchi?

Yachangahua Bibliai mascana ushangui GÉNESIS 3:​17-19 NM; ROMANOS 5:12.